Б.Батсүх: Омикрон хувилбарын шинж тэмдэг 4-5 хоногт арилж, чих шуугих, дотор муухайрах шинж тэмдгүүд илэрч байна

2022-01-13

Омикрон хувилбарын үед илрэх эмнэлзүйн шинж тэмдэг авах арга хэмжээний талаар ХӨСҮТ-ээс зөвлөж байна.

Халдварт Өвчин Судлалын Үндэсний Төвийн Чанарын албаны дарга, Анагаах ухааны магистр, тэргүүлэх зэргийн халдварын эмч Б.Батсүх, Халдварт Өвчин Судлалын Үндэсний Төвийн Чанарын албаны менежер, ахлах зэргийн халдварын эмч Б.Энхжаргал нар асуултад хариулж зөвлөгөө мэдээлэл хүргэж байна.

ХӨСҮТ-ийн Чанарын албаны дарга, Б.Батсүх:

Омикрон хувилбарын халдварын нууц үе 3-5 хоног үргэлжилдэг. Вакцин хийлгээгүй бол өвдөх магадлал 100 хувь байна.

Омикроноор өвдсөн иргэдэд амьсгалын дээд зам буюу хоолой өвдөх, халуурах, хуурай ханиах, ядрах шинж тэмдэг түлхүү илэрч байна. 3-5 хоногийн дараа шинж тэмдгүүд арилна.  Амьсгалахад  төвөгтэй болох, цээжээр өвдөх, ухаан балартах шинж тэмдэг илэрвэл таны халдвар хүндэрсэн гэж үзнэ.

Шинж тэмдэг нь дельта хувилбарын хувьд 10 хоног илэрч байсан бол омикрон хувилбарын хувьд харьцангуй богино.  Дельта дээр өндөр халуурч байсан бол омикрон дээр харьцангуй бага хэмтэй халуурч байна. Амт, үнэр мэдрэхгүй байх нь дельта дээр өндөр байсан бол чих шуугих, дотор муухайрах шинж тэмдэг илэрч байна.

Шинэ вирусийн эсрэг өвөрмөц эмчилгээ байхгүй. Өмнөх эмчилгээг хийж байна.  Хөнгөн үед халуун, бүлээн шингэн юмаа ууж, халуун бууруулах эмээ ууна. Вирусийн эсрэг эмчилгээнд ремдесвир зэрэг эмийг ууж болно. Шинж тэмдгийн эсрэг эмчилгээ хийнэ. Хатгаа болж хүндэрсэн бол эмчийн заавраар антибиотик эмчилгээ хийнэ.

Мөн гурваас дээш хоног халуурч, амьсгал давчдаж, зүрх өвдөж, дэлсэж байвал 103-т дуудлага өгч, бусад хөнгөн үед өрхийн эмчээсээ зөвлөгөө авахыг зөвлөв.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

  • өрхийн эмч нар их зөвлөлгөө өгч чадахгүй бнадаа  яана даа өрхийн эмнэлэгт найдаж болохгүй бна яамаарч  юм

  • ЭМЯ аас вирусын эм хэрэглэж болохгүй гэж зөвлөсөн та нар болохоор вирусын эсрэг эм хэрэглэ гэх юм өвчтэй хүний толгой эргүүлээд байх юм нэг талдаа нэг журмаар яриач

  • өрхийн эмч,сувилагч нартаа анхаараарай!!! мэдлэг байхгүй. жор үзсэн эмчээс зовлон үзсэн чавганц дээр гэдэг нь үнэн байнадаа. 

  • urhiin emch nar yu ch medehgvi heden daatgaliin em bichihees uur  hiisen yumgvi bichij bgaa em ee bas zuv bichihgvi ee buruu bichne, neg bol toog ni dutuu bichne iim l hvmvvs bdg daa 

  • Өрхийн эмнэлэг ачаалалтай ажиллаж бна гэсэн чинь худлаа. Шинжилгээ өгөх гээд очихлоор хаа хамаагүй, өөр эмнэлэг яв гэх. Хэл ам болж бж өгтөл хэдэн ч жил цэвэрлээгүй юм, бохир өрөөнд суулгаж бгаад 10 мин ч хүрэхгүй хугацаанд түргэвчилсэн хийв. Хүмүүсийг дээшээ гаргахгүй гээд бөгс эргэх зайгүй коридорт байлгаад бтал улирлын томуу гээд надад дээшээ өрхийн эмнэлэг рүү орох боломж бүрдэв. Гэтэл хов хоосон хүнгүй эмнэлэг угтах нь тэр. Эмч нар нь өрөөндөө суугаад л, ганц хүн дусал хийлгэж байв. Цар тахлаар далимдуулж бас ийм үйлдэл гаргамааргүй бна.

  • Хөдөө орон нутгийн өрхийн эмчийн мэдлэг, ур чадвар ыг дээшүлүүлэх, хурдан шуурхай дайчин чадвартай байх гээд олон талын  байх ёстой дадлууд дутагдалтай нь харагддаг. Маш удаан, мэдлэг чадварын хувьд тааруу байх нь харагддаг

Холбоотой мэдээ