Криштиану Роналду оруулсан гоолын тоогоор дэлхийн үнэмлэхүй дээд амжилтыг давтлаа

“Ювентус”-ийн довтлогч Криштиану Роналду Сери А-гийн 17-р тойрогт “Сассуоло”-той хийсэн тоглолтод (3: 1) карьерынхаа 759 дэх гоолыг оруулсан. Португал довтлогч Чехийн довтлогч Йозеф Бицаны оруулсан гоолын үнэмлэхүй дээд амжилтыг давтлаа. 1931-1955 оны хооронд Бицан 759 гоол оруулсан.

Өмнө нь Роналду Бразилийн домогт довтлогч Пелегийн амжилт болох албан ёсны 812 тоглолтод 757 гоол оруулсан амжилтыг давсан.

Хоёрдугаар үеийн эхэнд Данило холын зайн хүчтэй цохилтоор тооны харьцааг нээсэн боловч найман минутын дараа Грегор Дефрел тэнцүүлэв. Туринчууд 82 дахь минутад хожлын гоолыг оруулж чадсан. Сэлгээний тоглогч Аарон Рамси хажуугийн дамжуулалтыг гоол болгов. Криштиану Роналду үндсэн цагт тоглолтыг өндөрлүүлэн гоол орууллаа.

“Ювентус”-ийн хувьд энэ ялалт Италийн аварга шалгаруулах тэмцээнд дараалан гуравхожсон явдал болов. Турины баг 33 оноо авч, хүснэгтийн дөрөвдүгээр байрт дэвшив. “Сассуоло” (29) оноотой долдугаар байрт оржээ.

gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ