Эрээний боомтоор автомашин нэвтрүүлэхийг түр зогсоосонтой холбоотойгоор Замын-Үүд сумын Засаг дарга Б.Анхбаяр мэдээлэл өглөө.
Тэрбээр “2020 оны хоёрдугаар сараас хойш хилийн үйл ажиллагаа хязгаарлагдсан. Замын-Үүдэд нийт иргэдийн 50 хувь нь ачаа тээвэр тээвэрлэж амжиргаагаа залгуулдаг. Аравдугаар сарын эхээс хойш Эрээнд коронавирусийн халдвар илэрсний улмаас ачаа тээвэрлэлтийг зогсоогоод байна.
Эрээний боомтын асуудал дипломат шугамаар яригдаж байна. Замын-Үүд талаас камержуулалт, гэрэлтүүлэг, чингэлэг өргөдөг төхөөрөмж зэргээ бэлтэгх зэргээр бэлтгэл ажлаа бүрэн хангасан. Цар тахлын үед ачаа тээврийг зогсолтгүй, тогтмол явуулах арга бол чингэлэг тээвэр.
Хятадын талаас 08:13:00 цагийн хооронд чингэлгээ талбай дээр тавьж, манай тал 13:00-17:00 цагийн хооронд чингэлгээ авахаар зохицуулсан.
Эрээн хотод өвчлөл харьцангуй бага байгаа боловч юунаас шалтгаалаад ингээд байгаа талаар албан ёсны мэдээ ирүүлээгүй байна.
