МҮОНРТ-ийн захирлаар Н.Дэмбэрэл томилогдлоо

Монголын Үндэсний олон нийтийн радио, телевизийн Үндэсний зөвлөлийн хурал өчигдөр болж, шинэ ерөнхий захирлыг томиллоо. Нэр дэвшигчдээс хамгийн өндөр оноог Н.Дэмбэрэл авсан байна.

МҮОНРТ-ийн Үндэсний зөвлөлийн 15 гишүүний 14 нь хуралдаанд оролцсон бөгөөд нэр дэвшигч тус бүрт оноо тавьж, үнэлгээ өгөхөд:

  • Н.Дэмбэрэл – 853
  • Т.Батзориг – 737 (МҮОНРТ-ийн Байгууллагын хөгжлийн газрын захирал)
  • Р.Гандиймаа – 720 оноо (сэтгүүлч)
  • Э.Дагиймаа – 695 (сэтгүүлч) тус тус оноо авчээ. Үүнээс хамгийн өндөр оноотой Т.Батзориг, Н.Дэмбэрэл нарт нууц санал хураалт явуулахад, Үндэсний зөвлөлийн гишүүдийн 11 нь Н.Дэмбэрэлд саналаа өгч, ерөнхий захирлаар томилогдлоо.

Н.Дэмбэрэл нь хүүхдийн эмч, эдийн засагч мэргэжилтэй.

  • 2006-2008 онд Засгийн газрын Хэвлэл мэдээллийн албаны дарга,
  • 2012 оноос МАН-ын Хэвлэл мэдээлэл, олон нийттэй харилцах газрын дарга,
  • 2015 онд МАН-ын Ерөнхий нарийн бичгийн даргын зөвлөх,
  • 2018 оноос Ерөнхий сайдын дэргэдэх Үндэсний брэндингийн зөвлөлийн Ажлын албаны даргаар ажилласан туршлагатай.
gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ