БНАСАУ хилийнхээ ойролцоох агаарын баазыг төмөр замын байгууламж болгон хувиргаж байна.
БНАСАУ хилийнхээ ойролцоох агаарын баазыг чингэлэг төмөр замын байгууламж болгон хувиргаж байгаа нь Хятадтай худалдаагаа сэргээхэд хүргэж болзошгүй гэж шинжээчид үзэж байна хэмээн Стратегийн болон олон улсын судалгааны төвийн (CSIS) хиймэл дагуулаас авсан зургуудаас иш татан Financial Times мэдээлэв.
Хятадад COVID-19 тархсаны дараа БНАСАУ хүмүүнлэгийн тусламж зэрэг хил, далайн замаа хаасан.
“Умард Солонгос хилийнхээ ойролцоох агаарын баазыг төмөр замаар тээвэрлэж буй чингэлэгийг халдваргүйжүүлэх байгууламж болгон хувиргаж байгаа нь Хятадтай хийх худалдааг сэргээхэд хүргэж, эдийн засгийн дарамт нь Пхеньяныг цөмийн хэлэлцээрийн ширээнд буцаан суулгахад хүргэнэ гэсэн АНУ-ын итгэл найдварыг бууруулж болзошгүй гэж шинжээчид үзэж байна” гэж тус сонинд бичжээ.
Зургуудад БНАСАУ-ын Хятадтай хиллэдэг баруун хойд хилийн ойролцоох Уйжу хотод баригдаж буй барилгын төслийг харуулж байна. Хойд Солонгосын эрх баригчид импортын бүтээгдэхүүнийг халдваргүйжүүлэх тухай хууль баталсны дараа гуравдугаар сард ажлаа эхэлсэн гэж тэмдэглэжээ.
CSIS-ийн хэвлэлийн төлөөлөгч Виктор Ча хэлэхдээ, Пхеньян өөрийн нутаг дэвсгэрт коронавирусыг импортлохоос айж байгаа бөгөөд байгууламжийг бий болгох оролдлого нь БНАСАУ-ыг “цаашид хаалттай хэвээр байх боломжгүй тул ядаж тодорхой хэмжээний худалдааг нээх хүсэлтэй байгааг харуулж байна” гэжээ.
Арваннэгдүгээр сарын эхээр БНАСАУ коронавирусын тахал эхэлсний дараа хаасан Хятадтай хиллэдэг хилээ нээх, төмөр замаар ачаа тээвэрлэх ажлыг сэргээх бэлтгэл ажил эцсийн шатандаа явж байна гэж Рёнхап агентлаг мэдээлж байсан.
БНАСАУ хүмүүнлэгийн тусламж авахын тулд Шар тэнгист далайн замыг нээсэн тухай 10-р сард Рёнхап агентлаг Сөүл дэх НҮБ-ын Хүүхдийн сан (ЮНИСЕФ)-д хандсан билээ.
