Афганистаны зүүн хэсгийн Лагман муж дахь Талибаныг эсэргүүцэгчдийн зэвсэгт бүлэглэл тус хөдөлгөөний эсрэг тэмцэж эхэлснээ зарлав. Интерфакс агентлагийн мэдээлснээр тус бүлэглэл Ахмад Масудын толгойлдог Үндэсний Эсэргүүцлийн Фронтыг (FNS) дэмждэг байна.
“Можахедууд болон эрх, эрх чөлөөний төлөө тэмцэгчид тус улсад шударга ёсыг тогтоох, эзлэн түрэмгийллийг зогсоохын тулд Лагман мужид партизаны үйл ажиллагаа явуулж, тулалдаж эхэлсэн” гэж мэдэгдэлд дурджээ.
Аравдугаар сард Афганистаны үндэсний конгрессын намын дарга Абдул Латиф Педрам хэлэхдээ, Афганистан дахь эсэргүүцлийн хүчин Талибаны эсрэг партизаны дайн хийсээр байгаа. Түүний хэлснээр, Панжширын хавцлыг дайран өнгөрдөг төв замын хоёр талын уулын хөндий, толгодыг эсэргүүцэгчид хяналтандаа байлгадаг ч уг гарц нь радикалуудын мэдэлд байгаа аж.
8-р сарын 15-нд “Талибан” хөдөлгөөний албан ёсны төлөөлөгч Забихулла Мужахид “Талибанчууд Кабулын бүх бүс нутагт хяналтаа тогтоосон” гэж мэдэгдэв. Хөдөлгөөн Афганистаны нийслэлийг бүрэн хяналтандаа авсан юм.
