“Сэтгүүлч Б.Пүрэвийг хөл хорионы дэглэм зөрчсөн хэргээр дуудаж, асуулт асуусан гэж цагдаагийн байгууллагаас мэдэгдсэн”

2020-12-10

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төсөл болон хамт өргөн мэдүүлсэн хууль, УИХ-ын тогтоолын төслүүдийн анхны хэлэлцүүлгийг хийж байна.

Энэ үеэр УИХ-ын гишүүн Ц.Туваан сэтгүүлч Б.Пүрэвийн асуудлыг хөндөв. Тэрбээр “Б.Пүрэв гэж өөрийн гэсэн үзэл бодолтой залууг Монгол Улсад хүний эрхийн өдөр баривчилж байгаа нь маш харамсалтай. Монголын үе үеийн Ерөнхий сайдуудыг тэмдэглэлт өдөр хэлмэгдүүлдэг, цаазалдаг байсан юм өнөөдөр харагдаж байна. Хэвлэлийн, үг хэлэх эрх чөлөөгөө эдэлснийхээ төлөө заавал ч үгүй энэ өдөр баривчилдаг нь сонин санагдаж байна. Энэ хүнийг суллахад УИХ анхаарлаа хандуулах хэрэгтэй” гэв.

Үүний хариуд УИХ-ын дарга Г.Занданшатар “МҮОНРТ-ийн сэтгүүлч Б.Пүрэвийг цар тахлын дэглэм зөрчсөн хэргээр баривчлаагүй, дуудаж асуулт асуусан гэж цагдаагийн байгууллагаас мэдэгдсэн” гэв.

gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ