“Эрдэнэт үйлдвэр”-ийн үйл ажиллагаа хэвийн, жигд байна

Монгол Улсын төсөвт cүүлийн 2 жилд нэг их наяд төгрөг давсан орлогыг дараалан төвлөрүүлсэн “Эрдэнэт үйлдвэр”-ийн үйл ажиллагаа хэвийн, жигд байна. 2020 онд 36.9 сая тонн хүдэр олборлон, 32.5 сая тонн хүдэр боловсруулан түүхэн дээд амжилт тогтоосон баялаг бүтээгч уурхайчид 2021 онд ч энэ амжилтаа ахиулахын төлөө хичээн ажиллаж байна.

Коронавирусийн цар тахлын улмаас Монгол Улсад төдийгүй дэлхий дахинд нийгэм, эдийн засгийн нөхцөл байдал хүндэрсэн энэ цаг үед “Эрдэнэт үйлдвэр”-ийн хамт олон 2021 оны эхний 10 дугаар сарын байдлаар үйлдвэрлэл, эдийн засгийн төлөвлөгөөт бүх үзүүлэлтээ 100-аас дээш хувиар биелүүлж, улс орныхоо өмнө хүлээсэн үүргээ нэр төртэйгөөр хэрэгжүүлж байна.

Мөн Монгол Улсын Засгийн газраас цар тахлын энэ хүнд цаг үед ард түмэндээ газрын хэвлийн баялгийн үр шимийг хүртээж, айл өрх бүрийн аж амьдрал, аж ахуйн нэгж, байгууллагын үйл ажиллагааг дэмжсэн түүхэн шийдвэр гаргаснаар Монгол орныхоо 21 аймаг, 330 сум, 450 мянган аж ахуйн нэгжүүдийн ус, дулаан, цахилгааны мөнгийг он дуустал төлөхөөр шамдан ажиллаж байна.

“Эрдэнэт үйлдвэр” ТӨҮГ нь хоногийн 24 цагийн тасралтгүй, байнгын ажиллагаатай үйлдвэрийн газрын хувьд эмх цэгц, эв нэгдэл, ёс зүйг эрхэмлэж, технологийн горим, ажлын хариуцлага, аюулгүй ажиллагаа, сахилга дэг журам, зохион байгуулалтыг өндөр түвшинд байлган ЗОГСОХ ЭРХГҮЙ-гээр хариуцлагатайгаар ажиллаж байна.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ