Найман сарын өмнө огцорсон Ж.Сандагсүрэн буцаад Нийслэлийн засаг даргын нэгдүгээр орлогч болов

Нийслэлийн Засаг даргын нэгдүгээр орлогч Р.Чингисийг “Камертон” хамтлагийн тоглолттой холбоотойгоор үүрэгт ажлаас нь чөлөөлсөн билээ. Тэгвэл түүний оронд нийслэлийн Хүний хөгжил, нийгмийн бодлого хариуцсан төслүүдийг хариуцсан орлогчоор ажиллаж буй Ж.Сандагсүрэнг томилжээ. Ж.Сандагсүрэн нь өнгөрсөн хоёрдугаар сарын 9-нд энэхүү албан тушаалаасаа хусуулж хүний хөгжил, нийгмийн бодлого хариуцсан төслүүдийг хариуцсан орлогчоор ажиллах болсон билээ.

Өмнө нь Сонгинохайрхан дүүргийн засаг дарга байсан түүнийг Д.Сумьяабазарын хамгийн ойрын хүмүүсийн нэг гэдэг. Тиймээс ч 8-хан сарын дараа буцаагаад нэгдүгээр орлогч болгож байгаа нь энэ. Ж.Сандагсүрэнгийн оронд нийслэлийн Агаарын бохирдол хариуцсан төслүүдийн удирдагч З.Төмөртөөмөө ажиллахаар болжээ.

Нийслэлийн МАН-ын тэргүүлэгчид 2020 оны аравдугаар сарын 27-нд хуралдаж, хотын дарга Д.Сумъяабазарын зургаан орлогчийг томилсон билээ. Тодруулбал, хотын даргын орлогчоор З.Төмөртөмөө, Б.Одсүрэн, Ж.Сандагсүрэн, Н.Баярчимэг, Д.Ихбаяр, Б.Сүхбаатар нарыг тус тус томилсон.

  • Ж.Сандагсүрэн – Хөгжлийн бодлогын асуудал хариуцсан
  • Н.Баярчимэг – Хүний хөгжил, нийгмийн бодлого хариуцсан
  • Б.Одсүрэн  –Зам, тээврийн асуудал хариуцсан
  • З.Төмөртөөмөө – Агаар, орчны бохирдол хариуцсан
  • Д.Ихбаяр – Инноваци технологийн хөгжил хариуцсан
  • Б.Сүхбаатар – Барилга, хот байгуулалт хариуцсан

Холбоотой мэдээ

© 2024 Бүх эрх хуулиар хамгаалагдсан. gereg.mn