УИХ дахь МАН-ын бүлгийн хуралдаанаас гарсан шийдвэрийг танилцуулж, сэтгүүлчдийн асуултад хариуллаа.
–Нэр бүхий УИХ-ын гишүүдийн асуудлыг, тодруулбал эргүүлэн татах талаар бүлгийн хурлаар авч хэлэлцсэн үү?
МАН-ын бүлгийн дарга Д.Тогтохсүрэн:
УИХ-ын гишүүний ёс зүйн асуудлыг Ёс зүй, сахилга, хариуцлагын байнгын хороо хэлэлцэнэ. Гэхдээ хууль хяналтын байгууллагаар шалгагдаж байгаа асуудлыг байнгын хороо хэлэлцдэггүй.
Өнөөдрийн байдлаар УИХ-д гишүүд гэмт хэрэгтэй холбогдсонтой холбоотойгоор эргүүлэн татах асуудал орж ирээгүй. Бүлгийн хурал дээр огт гишүүдийн асуудал яриагүй. Хууль зөрчсөн эсэхийг зөвхөн шүүх л тогтооно.
