• Нийтийн тээврээр явахаас татгалзаж, халдваргүй бүс нутаг руу зорчихгүй байх хэрэгтэй

    2020-01-19

     Өнөөдрийн/2020.01.19/ ЭМЯ-ны хэвлэлийн хурлын үеэр иргэдийг нийтийн тээвэрт суухгүй байхыг мөн халдварын голомт болсон тул Улаанбаатар хотоос аймгууд руу зорчихгүй байхыг анхаарууллаа.

    Нэмэлт:2020.01.19

    Хөл хориог сулруулах бүрт өвчлөл эргэн нэмэгдэж байгаа дүр зураг харагдаж байна. Нэгдүгээр сарын 8-наас хойш тандалт судалгаа хийхэд хүмүүсийн хөдөлгөөн, бөөгнөрөл нэмэгдэж байгаа нь ажиглагдаж байна. Энэ нь эргээд өвчин нэмэгдэх эрсдэлийг үүсгэж байгаа.

    Дэлхий нийтэд хөл хорионы дэглэмийг өвчлөл нэмэгдэх бүрт зохион байгуулах, ард иргэд хөл хорионы дэглэмийг сайтар сахих арга хэмжээг хэрэгжүүлж байж өвчлөлийг бууруулж байна. Нийтийн тээврийн хэрэгслээр аль болох үйлчлүүлэхээс татгалзах, хүний бөөгнөрөл үүсгэхээс татгалзаж, халдваргүй бүс нутаг руу зорчихгүй байх хэрэгтэй.

    2021 ондоо иргэд онцгой сонор сэрэмжтэй байж, ДЭМБ-аас гаргасан зөвлөмжийг биелүүлж хүнтэй ойр харьцахгүй байхыг зөвлөж байна.


    ЭМЯ-ны  Олон нийттэй харилцах шуурхай удирдлагын хэлтсийн дарга Д.Нарангэрэл өгсөн зөвлөмж, мэдээллийг хүргэж байна.

    Олон нийттэй харилцах шуурхай удирдлагын хэлтсийн дарга Д.Нарангэрэл “Нийтийн тээврийн хэрэгслээр зорчих хандлагатай болсон. Нийтийн тээврээр зорчигч тээвэрлэхэд автобусны ариутгалд онцгой анхаарч, эцсийн буудал бүр дээрээ бүх цонхоо нэвт онгойлгож, агаарын сэлгэлт хийх, близнагийн уусмалаар халдваргүйтэл хийх, нэг суудал алгасаж хүн суулгахаар тэмдэглэгээ хийх, нэг автобусанд 15-аас дээш хүн суулгахгүй байхад анхаарах ёстой.

    Автобусны жолооч, ажилчид амны хаалт зүүх, бээлий өмсөх, хүмүүстэй ярихгүй байх, аль болох бэлэн мөнгөтэй харьцахаас татгалзах, ямар нэгэн байдлаар шинж тэмдэг илэрвэл эцсийн буудал дээр бууж, 119 утсанд хандан, зөвлөгөө авах хэрэгтэй.

    Иргэд аль болох нийтийн тээврээр явахаас татгалзах хэрэгтэй.

    Хэрвээ суусан тохиолдолд амны хаалт зүүж, бээлий өмсөж, гараараа хаалганы бариул, цонх зэрэг олон хүний хүрдэг газар хүрэхгүй байх, хүрсэн тохиолдолд спиртэн суурьтай ариутгагчаар ариутгах хэрэгтэй.

    • Хүн хоорондын зайг 1.5 метр байлгах
    • Аль болох хүмүүстэй харьцахгүй, ярихгүй
    • Нийтийн тээвэр дотор хүнсний зүйл авч явахгүй, идэхгүй байх
    • Бохирдсон гараараа нүүр, амандаа хүрэхгүй байхыг зөвлөлөө.
    gereg.mn

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ