Уг захидалд гурван санал дэвшүүлснийг эх сурвалжууд мэдээллээ. Эхнийх нь Засгийн газрын эзэмшиж буй 34 хувийн хувьцаанд ногдох зээл 2.3 тэрбум ам.доллар байгаа бөгөөд үүний 70 хувь буюу 1.6 тэрбум ам.долларыг “тэглэх” санал гаргасан байна.
Хоёр дахь нь ногдол ашиг авах хугацааг наашлуулж, 400 сая ам.долларыг гурван жилийн хугацаанд олгох юм байна. Эцсийнх нь менежментийн төлбөрийг үе шаттайгаар бууруулах санал гаргасан байна.
Хөрөнгө оруулагч тал төслийн үйл ажиллагааны зардлаас гурван хувь, хөрөнгөнөөс зургаан хувийн менежментийн төлбөр авч байгаа юм.