УИХ-ын 18, 28 дугаар тойрогт явагдаж буй УИХ-ын нөхөн сонгуулийн нэмэлт санал хураалт Хэнтий аймагт 46.64 хувь, Сонгинохайрхан дүүрэгт 48.89 хувийн ирцтэйгээр хаагдлаа.
Монгол Улсын Их Хурлын сонгуулийн тухай хуулийн 78 дугаар зүйлийн 78.5-д “Нэмэлт санал хураалтад орсон нэр дэвшигчдээс хамгийн олон санал авсан, үлдсэн мандатын тоотой тэнцүү тооны нэр дэвшигчийг Улсын Их Хурлын гишүүнээр сонгогдсонд тооцно” гэж заасан байдаг.
Нэмэлт санал хураалтад СХД-ийн 54 мянган орчим иргэн оролцсоноос 28,537 нь МАН-аас нэр дэвшсэн Э.Батшугарт саналаа өгчээ.
Сонгинохайрхан дүүргийн 59 хэсгийн хорооны 59 хэсгийн хорооны нэгтгэсэн мэдээллээр:
- Э.Батшугар 28,537
- Б.Найдалаа 7,365
- Э.Бат-Үүл 6,143
- А.Отгонбаатар 4,313
- Ш.Гантулга 3,736
- Х.Бат-Ялалт 2,543
- Ц.Гантулга 1,701
- Л.Цог 266
- Ш.Төмөрсүх 146
- А.Батдорж 129 санал тус тус авчээ.
Ирэх даваа гарагт Сонгуулийн ерөнхий хороо хуралдаж шийдвэрээ гаргах бөгөөд албан ёсны мэдээллийг хийх юм.
