• Монгол залуучууд АНУ-д цар тахлын үед ажиллаж буй эмч, ажилчдыг үнэгүй хоолоор дайлж байна

    2020-11-25

    АНУ-ын Кентаки мужийн Луйзвилл хотод  хоолны бизнес эрхэлдэг Монгол залуучууд эмч, эмнэлгийн ажилчдыг үнэгүй хоолоор хангаад багагүй хугацаа өнгөрчээ. Энэ тухай АНУ-ын Whas11 телевиз онцолсон байна. Хүмүүсийн сэтгэгдлийг үзвэл анхны удаа идэж байгаагаас гадна хэд хэдэн удаа үнэгүй хоол авч идсэн хүмүүс ч байх юм.

    Эмч, ажилчдын хувьд Монгол залуучуудын ажиллуулдаг “Travelling Kitchen” явуулын хоолны газрын хоолыг амч, чанар сайтай гэж үнэлхийн сацуу цар тахлын үед тусламжийн гараа сунгаж байгаад нь ихээхэн талархаж буйгаа ч хэлжээ. Харин хоолны газрыг ажиллуулдаг Монгол залуугийн хувьд “Хүнд нөхцөлд өдөр, шөнөгүй ажиллаж буй эрүүл мэндийн салбарын ажилчдад талархаж байна. Бидний хувьд эдгээр хүмүүст ганц өдөр ч болтугай урам зориг өгөхийг хүссэн” хэмээн ярижээ.

    gereg.mn

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ