Хилийн боомтуудыг хааж, нэвтрэх хөдөлгөөнийг зогсоолоо

Монгол Улсын Засгийн газрын 2020 оны арваннэгдүгээр сарын 11-ний өдрийн 172 дугаар тогтоолоор коронавируст халдварын цар тахлаас урьдчилан сэргийлэх, эрсдэлийг бууруулах зорилгоор Монгол, Оросын хилийн Алтанбулаг авто замын боомтоор улсын хил нэвтрэх ачаа тээврийн хөдөлгөөнийг өчигдрөөс буюу 2020 оны арваннэгдүгээр сарын 16-аас  2021 оны нэгдүгээр сарын 18-ны өдрийг хүртэл түр зогсоолоо.

Мөн Хилийн Цагааннуур автозамын боомтыг 2020 оны арваннэгдүгээр сарын 23-ны өдрөөс эхлэн сар бүрийн 2, 4 дэх долоо хоногт хуваарийн дагуу ажиллуулж, зөвхөн шатахуун түгээх автомашиныг улсын хилээр нэвтрүүлэх, Хилийн Тэс, Арцсуурь, Ханх, Ульхан, Эрээнцав авто замын боомтыг 2020 оны арваннэгдүгээр сарын 16-ны өдрөөс, Боршоо автозамын боомтыг 2020 оны арваннэгдүгээр сарын 23-ны өдрөөс 2021 оны 04 дүгээр сарын 01-ний өдрийг хүртэл түр хаалаа.

Эх сурвалж: Онцгой байдлын ерөнхий газар

gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ