Ерөнхий сайд Л.Оюун-Эрдэнэ “Токио-2020” зуны олимп, паралимпын наадамд амжилттай оролцож, медаль хүртсэн тамирчдыг өнөөдөр хүлээн авч уулзаж байна.
- Паралимпээс алтан медаль хүртсэн Э.Содномпилжээг 120 сая, гурван өрөө орон сууц
- Олимпоос мөнгөн медаль хүртсэн Саид Моллайг 60 сая төгрөг, хоёр өрөө орон сууц
- Олимпоос хүрэл медаль хүртсэн М.Уранцэцэгийг 30 сая төгрөг, хоёр өрөө орон сууц
- Олимпоос хүрэл медаль хүртсэн Ц.Цогтбаатарыг 30 сая төгрөг, хоёр өрөө орон сууцаар тус тус шагнаж, батламжийг гардууллаа.
Мөн Токиогийн олимпод боксын эрэгтэйчүүдийн -57 кг жинд өрсөлдөж, шагналт тавдугаар байрт орсон тамирчин Э.Цэндбаатарт Засгийн газраас 20 сая төгрөгөөр шагналаа.
Ташрамд дурьдахад, ДАШТ-ий хүрэл медальт, Азийн хошой аварга, Азийн наадмын аварга, Гавьяат тамирчин Э.Цэндбаатар “Токио-2020” олимпын наадмын медалийн төлөөх тоглолтод ОХУ-ын боксчинтой тулалдаж, шүүгчийн үнэлгээгээр ялагдсан билээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй