АН: Шаардлагыг биелүүлэхгүй бол ЗГ-ыг огцруулах тэмцлийг ирэх сарын 1-нд эхлүүлнэ

2021-09-23

УИХ дахь АН-ын бүлгээс УИХ, Ерөнхий сайд Л.Оюун-Эрдэнэ, Ерөнхийлөгч У.Хүрэлсүхэд дараах шаардлага, хүсэлтийг хүргүүллээ. АН-ын бүлгээс аравдугаар сарын 1-ны өдөр үүсээд буй нөхцөл байдлыг эсэргүүцэж төв талбайд эсэргүүцлийн жагсаал зохион байгуулна хэмээн мэдэгдлээ.

Ардчилсан намын бүлэг дараах шаардлагыг тавьж байна:

  • Шатахууны зах зээлийн үнэ, импортыг бүрэн чөлөөлөх
  • ОХУ, БНХАУ хоёр улсад байгаа Монгол Улсын элчин сайд нарыг эгүүлэн татах
  • Андлалын хөшөө, усан оргилуур гэх мэт хөрөнгө оруулалт нэрээр хийж буй луйврыг зогсоох
  • Удаа дараа ёс зүйгүй үйлдэл гаргасан албан тушаалтнуудад хариуцлага тооцох гэсэн шаардлагуудыг биелүүлэхгүй бол аравдугаар сарын 1-нд Засгийн газрыг огцруулах бүх нийтийн тэмцлийг зохион байгуулна гэв.

УИХ-ын гишүүн, АН-ын бүлгийн дарга Д.Ганбат

Нэгдүгээрт, УИХ-ын чуулганыг яаралтай эхлүүлж, асуудлаа шийдвэрлэх хэрэгтэй байна. Цар тахал болон шатахууны хомсдол үүссэн энэ үед гадаад, дотоодод зугаалаад явж болохгүй. Ковидын хууль гэдгээрээ далимдуулж бүх эрх мэдлийг гартаа авсан ч нэг удаа олигтой хуралдаж, асуудлыг шийдсэнгүй.

Хоёрдугаарт, өнөөдрийн үүссэн нөхцөл байдалд хүргэсэн Засгийн газар хариуцлагаа хүлээхийг шаардаж байна.

Гуравдугаарт, Ерөнхийлөгч У.Хүрэлсүхэд гуравдугаар сарын 1-нээс хойш МАН-ын 100 жил, үүний дараа удаа дараа одон медаль тараах, Ерөнхийлөгчийн сонгууль, уул овоо тахих нэрийдлээр халдварыг нэмэгдэхэд нөлөөлсөн. Тиймээс Монголын ард түмнээс гарч ирж уучлалт гуй” гэлээ.

Холбоотой мэдээ