14 хоног гэрийн дэглэм мөрдөх иргэдийн хаяг, утасны жагсаалтыг тодорхой болгожээ

УОК-ын шийдвэрээр гэрийн 14 хоногийн дэглэмийг өчигдрөөс сэргээгээд байна. Гэрийн ажиглалтад байгаа иргэдийг хэрхэн хянаж буй талаар УОК-ын Шуурхай штабын мэдээлснээр ажиглалтад байх иргэдийн гэрийн хаяг, утасны дугаарыг бүртгэлжүүлжээ.
Өмнө нь гэрийн ажиглалтад гарч буй иргэд гэрийн хаяг, утасны дугаараа худал буруу ташаа мэдээлэх тохиолдол гарч байсан билээ.

УОК-ын Шуурхай штабын дарга Б.Ууганбаяр “Гэрийн ажиглалтад байх шаардлагатай тандалт судалгааг Халдварт өвчин судлалын төвөөс зохион байгуулна” гэлээ.

Иймд өнөөдрөөс 21 хоногийн тусгаарлалтаас гарах иргэд өөрсдийгөө 14 хоногт гэртээ ажиглах юм. Үүнд, тухайн сум, дүүргийн хорооны хэсгийн ажилтан болон цагдаа хяналт тавих юм. Эрүүл мэндийн яамны мэдээлснээр 14 хоногийн дэглэмийг өмнө нь иргэдийн шаардлагаар цуцалсан байна.

gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ