74 настай иргэний бэр, ачаас нь Covid-ын халдвар илэрчээ

2020-11-13

Сэлэнгэ аймагт 74 настай эмэгтэй хоёр удаагийн шинжилгээгээр халдвартай нь тогтоогдсон. Тус иргэний хувьд 11-р сарын 6-нд зовиур илэрсэн (38 хэм халуурсан) бөгөөд 11-р сарын 9-нд эмнэлэгт хандан PCR шинжилгээ хийхэд халдвартай болох нь батлагдсан юм.

Тэгвэл тус иргэний нэгдүгээр хавьтагчид буюу хамт амьдардаг бэр болон ач хүүхдийнх нь шинжилгээний хариу эерэг гарчээ.

Бэрийн хувьд 11-р сарын 8-ны өдөр Сэлэнгийн Сүхбаатар сумаас Дархан-Уул аймаг руу 8 настай хүүхдийнхээ хамтаар хоёр өдөр амны хаалтгүй зорчсон, дэлгүүрүүдээр явсан, хүүхдээ тоглоомын газар тоглуулсан зэрэг өгүүлэмжтэй байгаа юм. Тус тоглоомын талбайгаар үйлчлүүлсэн 67 хүүхдүүд мөн байгаа ба эцэг эхчүүдтэй нь холбогдон, тандалт судалгааг эхлүүлжээ. Мөн дам хавьтагчдыг илрүүлж тогтоохоор албаныхан ажиллаж байгаа аж.

Халдвартай иргэн тус аймагт зорчсон учир Дархан-Уул аймагт хөл хорионы хатуу дэглэм тогтоон, аймаг руу орох, гарах хөдөлгөөнийг түр хаагаад байгаа юм.

gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ