Төмөр замын гармын өмнө ирээд ЗОГС! ХАР! СОНС!

2020-10-26
Төмөр замын гарам дээр гарч байгаа нийт осол, зөрчлийн 98 хувь нь иргэд, жолооч нар анхааруулах улаан гэрлэн дохио, тэмдэг тэмдэглэгээг зөрчиж, галт тэрэг ирж байхад төмөр замын аюултай бүс рүү нэвтэрч орсноос үүдэлтэй байна. Өнгөрсөн 2019 онд нийт 236 удаа галт тэргийг яаралтай зогсолт хийлгүүлжээ.
Тодруулбал,
  • 141 иргэн гармаар анхаарал, болгоомжгүй гарч 8 хүн дайрагдсан,
  • гармын анхааруулах улаан гэрэл асаж, хаалт бууж байх үед 46 автомашин гарам руу орж 5 машин дайрагджээ.
2020 он гараад эхний 3 сард нийт 36 удаа галт тэргийг яаралтай зогсолт хийлгэснээс 4 хүн галт тэргэнд дайрагдан, шүргэгдсэн байна.
Ган зам дээгүүр 80-100 км/цагийн хурдтай явж буй галт тэрэг яаралтай гэнэтийн зогсолт хийхэд 1000 метр буюу 1 км зам туулж байж зогсдог.
Иймд иргэд та бүхэн хайртай гэр бүл, өөрийн амь нас, эд хөрөнгөө хамгаалахын тулд галт тэрэгний дуут дохиог анхаарч, төмөр замын үйл ажиллагааны тасралтгүй шинж чанарыг ойлгон хүндэтгэж хэдхэн хором галт тэргийг хүлээж өнгөрүүлбэл, галт тэрэгнээс болгоомжилбол осол эндэгдэл гарахгүй.
Төмөр замын гармын өмнө ирээд ЗОГС! ХАР! СОНС! гэсэн гурван үйлдлийг хийж байхыг анхааруулж байна.
gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ