Б.Даваацэрэн:Хил давсан соёлын өвүүдээ БУЦААН авах хууль ёсны эрхтэй болж байна

2020-10-21

Засгийн газар 2020.05.01-ний өдөр өргөн мэдүүлсэн Музейн тухай хуулийн төсөл болон хамт өргөн мэдүүлсэн хуулийн төслүүдийг хэлэлцэх эсэхийг хэлэлцэж, дэмжлээ.

Энэ үеэр УИХ-ын гишүүн Г.Мөнхцэцэг хууль бусаар хил нэвтрүүлэн, гадаадад гаргасан соёлын өвөө буцааж авах чиглэлээр хийгдэж буй ажлуудын талаар тодруулав.

Соёлын сайд С.Чулуун:

Гадаадад гарсан соёлын өвийг буцааж авах асуудал нилээд адармаатай. Соёлын тухайн хуулийн шинэчилсэн найруулга ганц Монгол Улсан эрх зүйн системээс гадна олон улсын конвениудад тулгуурласан байгаа. Хууль бусаар хил гаргасан асуудлуудыг хуулийн байгууллагуудтай хамтран шийдэхээр явж байна.

Тус яамны Соёлын өвийн газрын дарга Б.Даваацэрэн:

Гадаадад гарсан соёлыг өвийг эргүүлэн авч ирэх, мэдээллийн сан бүрдүүлэх, хуулбарыг авч ирэх чиглэлээр зохицуулалт Соёлын өвийг хамгаалах тухай хууль 2014 онд шинэчлэгдэх үеэр бүрэн туссан.

Яам ойрын хугацаанд 1995 онд батлагдсан олон улсын Соёлын эд зүйлийн хууль бус хилээр нэвтрүүлсэн, өмчлөх эрхийг шилжүүлсэн тохиолдлуудыг эрх зүйн хүрээнд зохицуулах шинжтэй конвенцид нэгдэн орохоор холбогдох бэлтгэл ажлуудыг хангаж байна. Удахгүй УИХ-д өргөн барина.

1970 оны Соёлын эд зүйлийг хилээр хууль бусаар нэвтрүүлэх, оруулах, гаргах, өмчлөх эрхийг шилжүүлэхээс урьдчилан сэргийлэх конвенцийн дагавар болж гарсан UNIDROIT/УНИДРУА/-гийн конвенцид нэгдсэн орсноор Монгол Улс хувь хүний болоод төрийн, орон нутгийн өмчийн соёлын өвөө буцааж авах хууль ёсны эрхтэй болно.

gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ