• Ч.Хүрэлбаатар:5.1 их наядын алдагдал өнөөгийн нөхцөл байдалтай нийцсэн гэж үзэж байна

    Сангийн сайд Ч.Хүрэлбаатар мэдээлэл хийлээ. Ч.Хүрэлбаатар “Монгол Улсыг “Саарал жагсаалт”-аас гаргах эсэхийг шийдвэрлэх ФАТФ-ын Олон Улсын хамтын ажиллагааны Хяналтын бүлгийн хурал өчигдөр онлайнаар зохион байгуулагдлаа.

    Хуралд оролцсон 100-аад хүн 100 хувийн саналаар Монгол Улсыг саарал жагсаалтаас гаргах саналыг дэмжсэн. Аравдугаар сарын 21-23-нд болох нэгдсэн хуралдаанаар баталгаажина.

    Урьдчилсан шийдвэр өөөрчлөгдөхгүй байх. Тавдугаар сард өгсөн үүрэг даалгаврыг нь хийж хамгаалсан. Ингээд үнэлгээний баг манайд ирж ажиллаад газар дээрээ бодитой хэрэгжсэн гэдгийг нягталж үзсэн.

    ФАТФ-ын нэгдсэн хуралдаанд бид оролцохгүй. Гишүүн орнууд нь бүгд оролцоод саяны хяналтын хуралд яригдсан асуудлаа баталгаажуулах байх гэж бодож байна. Хурлын шийдвэрээ ФАТФ вэбсайт дээрээ байршуулчих юм. Манайх тавигдсан бүх шаардлагыг хангасан. Хуульд эрх зүйн орчнуудаа өөрчилсөн байна зэрэг олон үнэлгээ өгсөн” гэлээ.

    Түүнээс сэтгүүлчид зарим асуудлыг тодрууллаа. 

    -УИХ-ын чуулган яагаад хуралдахгүй байна. вэ. 2021 оны төсвөө хэлэлцэхгүй юм уу?

    -Аравдугаар сарын 16-нд хэлэлцүүлэг эхлэх юм билээ. Гишүүд төсөвтэйгээ уншиж танилцах байхаа. Бид хугацаандаа төсвөө хэлэлцэж амжина. Гишүүд орон нутагг ажиллаж, төсвийн хэлэлцүүлэгтээ бэлдэж байна гэж харж байна. Засгийн газар төсвөө боловсруулаад УИХ-д өргөн мэдүүлсэн. Бид орон нутагтаа, улс орны өмнө тулгамдаж байгаа гол асуудлаа барьж авах зорилгоор төсвөө боловсруулсан.

    -2021 оны төсвийн орлогоо 5.1 их наядын алдагдалтай оруулж ирсэн. Үүнийг багасгаж болох уу?

    -Энэ бол тэнцвэржүүлсэн тэнцэл. Тогтворжуулалтын сан, Ирээдүйн өв сангийн мөнгийг оруулж тооцохгүй байгаа. Энэ хэмжээний төсвийн алдагдал бол өнөөгийн нөхцөл байдалтай нийцсэн, эдийн засгийн зөв бодлого гэж үзэж байна. Тогтворжуулалтын сангийн мөнгө ашиглагдаад явж байна.

    -Эрүүл мэндийн даатгалын сангийн мөнгө Төрийн санд байрших юм уу?

    -Эрүүл мэндийн даатгалын сангийн мөнгийг төсвийн тодотголын үеэр хэлэлцээд шийдвэрлэсэн асуудал. Капитал банкинд 140 орчим тэрбум төгрөг алдчихсан. Иймэрхүү эдийн засгийн хямралтай үед мөнгөө найдвартай газар байлгаж байсан нь дээр. Капитал банкны эрх хүлээн авагч ажиллаж байгаа гэсэн. Мөнгөө авна гэсэн хүсэлтээ байнга тавиад явж байна.

    -Халамжийн мөнгө хавтгайрч байна гэж байна. Үүнийг танах боломж бий юу?

    -Баян-Өлгий аймаг бусад аймгаас илүү халамжийн мөнгө авдаг. Удаа дараа халамжийн өр үүсгэсэн байдаг. Энэ өрийг орон нутаг нь шийдвэрлэх ёстой. Шалгалтын  дүн гарахаар байр сууриа илэрхийлнэ. Халамжийн асуудалд хэд хэдэн зүйл өөрчлөх эхлэл тавьсан. Тухайлбал хөдөлмөрийн баатар, гавьяат гэх мэт төрийн өндөр дээд шагналуудын эздүүдэд халамжийн хуулиар мөнгө олгодог байсныг өөрчилж төсвийн байгууллагууд нь өөрсдөө шагналын мөнгийг олгодог байх өөрчлөлт хийсэн. ХНХЯ-ийн сайд А.Ариунзаяа удахгүй Тэтгэврийн, Халамжийн шинэчлэлийн бодлогоо оруулж ирж танилцуулах учиртай. Түүний дараа энэ асуудал яригдана.

    -2021 оны төсөвт ЖДҮ санд мөнгө төсөвлөөгүй гэж байна. УИХ-ын гишүүд мөнгө авч чадахгүй болчихоод энэ санд анхаарахаа больчихлоо гэсэн асуудал байна?

    -Мөнгө төсөвлөх гэдэг нь шинээр мөнгө өгөх асуудал. ЖДҮ-г дэмжих зорилгоор 450-460 тэрбум төгрөгийн зээл эргэлдэж байдаг. Тэгэхээр өмнө нь олгосон зээлээ эргээд төлөхөөр гаргаад зарцуулаад явах нь нээлттэй. Ирэх жил 200-аад тэрбум төгрөг эргэлдэж, эргээд зээл болж гарах боломжтой. Түүнээс биш зээлээ авч чадахгүй болохоор татвар төлөгчдийн мөнгөөр аваад дахиад зээл гаргаад байж болохгүй шүү дээ. Тиймээс зээлээ олгож, зээлийнхээ араас явдаг, авдаг тогтолцоог бий болгох ёстой.

    gereg.mn

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ