• С.Амарсайхан: Эмнэлэгт хэвтэж байгаа иргэн нэг ч эм, тариаг өөрсдөө худалдаж авах ёсгүй

    2021-07-21

    Шадар сайд С.Амарсайхан Эм, эмнэлгийн хэрэгслийн хяналт, зохицуулалтын газарт ажиллаж байна.

    Энэ үеэр тэрбээр наймдугаар сарын 1-нээс эхлэн эмнэлэгт хэвтсэн иргэд гаднаас эм, тариагаа зөөлгөх шаардлагагүй болно гэв.

    Шадар сайд С.Амарсайхан:

    Эмийн хангалт, нийлүүлэлт хангалтгүйн улмаас иргэдийг гэрээсээ эм, тариа авч ир гэдэг. Наймдугаар сарын 1-нээс өмнө шаардлагатай арга хэмжээг авч түүнээс хойш нэг ч иргэнд эм, тариаг гэрээсээ авч ир гэсэн шаардлагыг тавих ёсгүй.

    Нэг ширхэг нь 180-360 мянган төгрөгийн тариа авч ир гээд явдаг. Гэтэл тийм үнэтэй эм, тариаг хүн болгон авч чадахгүй учраас амь нас эрсдэх нөхцөл байдал үүсдэг. Наймдугаар сарын 1-нээс хойш эмнэлэгт хэвтэж байгаа нэг ч хүн эм, тариагаа гаднаас авах ёсгүй. Бүх эм, тариаг эмнэлгээс хангах ёстой.

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ