• BTS хамтлагийн шинэ дууг 24 цагт 101 сая хүн үзэж рекорд тогтоолоо

    Өмнөд Солонгосын к-поп хөгжмийн урсгалын BTS хамтлаг Youtube платформын рекордыг эвджээ. Тус хамтлагийн саяхан гаргасан шинэ дуу “Dynamite”-ийг 24 цагийн дотор 100 гаруй сая хүн үзэж, Youtube платформ дээр хамгийн олон хүн үзсэн дебют дуу болжээ.

    Dynamite дуу цацагдсанаас хойш яг нэг өдрийн дотор Youtube дээр 101.1 сая хүн үзжээ. Өнгөрсөн зургадугаар сард к-поп хамтлаг Blackpink “How You Like That” дуугаа цацаж, үүнийг нь 24 цагийн 86.3 сая хүн үзэж, дээд амжилт тогтоогоод байв.

    Өнөөдөр (2020.08.25)-ийн байдлаар тус дууг нийт 192 гаруй сая хүн үзэж, сонсоод байна.Dynamite дуу нь BTS хамтлагийн англи хэлээр бүрэн дуулсан анхны дуу гэдгээрээ онцлогтой. Энэхүү дууныхаа талаар ярихдаа “Covid-19 цар тахлын үед энэ дуу та бүхэнд гэрэл гэгээ, эрч хүчийг бэлэглэх болно” хэмээжээ. BTS хамтлаг энэхүү дуугаа ирэх наймдугаар сарын 30-нд зохион байгуулагдах MTV Music Awards дээр дуулах аж.

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ