• Өчигдөр Токио-Улаанбаатарын тусгай үүргийн онгоцоор 263 иргэн эх орондоо ирлээ

    УОК-оос энэ сард нийтдээ 17 удаагийн тусгай үүргийн нислэг үйлдэхээр төлөвлөсөн. Тэгвэл аль хэдийнэ 12 нислэг үйлдэж, иргэдээ татаж аваад байна. Өчигдөр 13 дахь нислэгийг Токио-Улаанбаатар чиглэлд үйлдлээ.  Япон улсаас иргэдээ авчрах тусгай үүргийн онгоц өнөө өглөө 07.55 цагт ниссэн. Улмаар өчигдөр орой 19:15 цагт эх орондоо ирлээ.

    Тус нислэгээр бага насны хүүхэдтэй гэр бүл 33, жирэмсэн 12, өндөр настан, асран хамгаалагчтай 10, эрүүл мэндийн шалтгаантай 17, оюутан сурагч 35, ар гэрийн гачигдал, визний асуудал, санхүүгийн хүндрэлтэй зэрэг бусад хүндэтгэн үзэх шалтгаантай 150, нийт 263 иргэн эх орондоо иржээ.

    Эдгээр иргэдийг ХӨСҮТ, Цэргийн төв эмнэлэг, “Орентал”, “Алтай”, “Боржигон”, “Мөнххустай”, “Налгар” зочид буудлуудад тусгаарлана. Маргааш Франкфурт-Улаанбаатар,   27-нд Сидней-Улаанбаатар чиглэлд тусгай нислэг үйлдэнэ. Түүнээс гадна, энэ сарын 30, 31-ний өдрүүдэд АНУ, Казахстан руу тусгай үүргийн нислэг үйлдэхээр болоод байна.

    gereg.mn

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ