• 54 настай Б.Болдбаатар 1040 км замыг 34 хоногт гүйн, өнөөдөр Улаанбаатар хотод орж ирлээ

    2020-08-08

    Олон улсын хэмжээний мастер, хөнгөн атлетикийн ахмад тамирчин Б.Болдбаатар Говь-Алтай аймгаас 1040 км замыг амжилттай туулан өнөөдөр өглөө Улаанбаатар хотод орж ирлээ. Б.Болдбаатар нь өдгөө 54 настай. Түүний аав болох Буриад нь өдгөө 88 насыг зооглож буй Говь-Алтай аймгийн ахмад тамирчдын нэг юм.

    Тэрээр 1040 км замыг 34 хоногт туулахаар долдугаар сарын 5-нд Говь-Алтай аймгийн Алтай хотоос гарсан юм. Тэгвэл яг төлөвлөсөн хугацаандаа буюу 34 дэх өдөр дээрээ замаа туулан, Улаанбаатар хотод орж ирлээ. Түүний гүйлтийн дасгалжуулагчаар Спортын мастер, түүний төрсөн дүү Б.Батбаатар ажилласан бол эмчээр аймгийн Нэгдсэн эмнэлгийн мэс заслын тасгийн их эмч Л.Гантөмөр, тогоочоор Ч.Цолмон, жолоочоор Сагсан бөмбөгийн спортын нэгдүгээр зэргийн тамирчин О.Алташагай нар тус тус ажиллажээ.

    gereg.mn

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ