• Трамп АНУ-ын Ерөнхийлөгчийн сонгуулийг хойшлуулахыг уриалав

    Арваннэгдүгээр сард товлогдсон АНУ-ын Ерөнхийлөгчийн сонгуулийг хойшлуулах ёстой гэж Дональд Трамп пүрэв гаригт мэдэгдлээ.

    Санал асуулгын дүнгээс харахад Ардчилсан намаас нэр дэвшигч Жо Байдентай өрсөлдөөд ялагдах хамгийн их магадлалтай байгаа Трамп янз бүрийн эх сурвалжийн мэдээлж байгаагаар 8-15 хувиар дутуу оноо авч байгаа ба удахгүй болох сонгуулиар шуудангаар санал хураах учир асар их “луйвар” болж болзошгүй гэнэ.

    Коронавирус санал авах байраар дамжин тархах аюул заналхийллийн улмаас нэвтрүүлж буй шуудангийн санал хураалтын систем нь АНУ-ын хувьд “ичгүүр” болно гэж Трамп твиттер хуудсандаа бичжээ.

    Эдгээр нь “түүхэн дэх хамгийн буруу, хуурамч сонгууль болно” гэж тэр хэлжээ.

    “Хүмүүс зөв, тайван, аюулгүй байдлаар санал өгөх хүртэл сонгуулийг хойшлуул?” гэж тэр ярьжээ.

    Зах зээлийн өнөөгийн үнэлгээгээр Байден ерөнхийлөгч болж, Ардчилсан нам Сенатын хяналтыг авч, Төлөөлөгчдийн танхимд олонхыг авч үлдэнэ гэж “Голдман Сакс”-ын шинжээчид 7-р сарын эхээр хийсэн нэгэн судалгаагаар тогтоожээ.

    Байден 62%-аар ялах бол Сенат 61%, Төлөөлөгчдийн танхим 85%-тай байна. Хоёрдугаар сард Ардчилсан намын хувьд боломж бага байсан. 2-р сарын сүүлээр Ардчилсан намаас нэр дэвшигч 43%, Сенат 30%, Төлөөлөгчдийн танхим 61%-тай байжээ.

    АНУ-ын олон хэсэгт Ковид-19 тасралтгүй тархаж, улс даяар эсэргүүцлийн хөдөлгөөн өрнөсөн нийгмийн түгшүүртэй холбоотойгоор Трампын үнэлгээ буурч, Байден ялалт байгуулах боломж байгааг олон нийт илүү анхаарч эхэлжээ.

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ