Шүүх Н.Номтойбаярын таслан сэргийлэх арга хэмжээг хэвээр үлдээлээ

Шүүхээс Н.Номтойбаярын таслан сэргийлэх арга хэмжээг хэвээр үргэлжлүүлэх шийдвэр гаргаж, зургадугаар сарын 17-ны өдөр дараагийн шүүх хурлын товыг тогтоолоо.
Н.Номтойбаяр өмгөөлөгчөөрөө дамжуулан Хан-уул дүүрэгт нэр дэвшигч хэвээр байгаа боловч үндэслэлгүй шүүхийн шийдвэрээс болж УИХ-ын сонгуульд биечлэн оролцох боломжгүй болсон гэдгээ мэдэгдлээ.

Өмгөөлөгч Н.Мандах “Сонгуулийн Тухай хуулийн 35.2.1-д заасан зүйл заалтын үндэслэлийг тайлбарлаж өгөхийг хүсэхэд тухайн заалт нь шүүхийн шатанд хамааралгүй гэлээ.  Шүүх хуралдаан энэ сарын 26-ны өдөр товлогдсон хэдий ч хугацаанаасаа өмнө хуралдах болсон нь ямар шалтгаантай байсан бэ. Энэ зүгээр нэг давхцал уу.

Шүүхийн шийдвэрийг харахад Сонгуулийн Ерөнхий хорооноос зөвшөөрөлгүйгээр хэнийг ч баривчилж болох юм гэдэг жишгийг л тогтоолоо гэж харж байна. Үндэслэлтэй  хуулийн зүйл заалтаар хэргийн оролцогчоос хүсэлт гаргахаар үндэслэлээ тайлбарлахгүйгээр шүүх шийдвэрээ гаргадаг болсон байна” гэВ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ