Орос улс Хойд Солонгост 25 мянган тонн үр тариаг хүмүүнлэгийн тусламж болгон шилжүүлсэн гэж Пхеньян дахь Оросын элчин сайдын яам мэдэгдлээ. Дэлхийн хүнсний хөтөлбөр болон НҮБ-ын Хүнс, хөдөө аж ахуйн байгууллагын 2019 оны үйл ажиллагааны тоймд тэмдэглэснээр, БНАСАУ-д дор хаяж 10 сая хүн хүнсний хомсдолд ороод байна.
“Тавдугаар сарын 14-ний өдөр Элчин сайд Александр Мацегор ба элчин сайдын яамны дипломат ажилтнууд Нампо боомтод очсон бөгөөд Polina (Сьерра-Леоны төрийн далбаатай) ачааны хөлөг онгоц Новороссийскээс 25 мянган тонн үр тариа авчирсан … Тэд үнэ цэнэтэй ачаагаа алдахгүйн тулд боловсруулах гэж хичээж байгаа гэдэгт итгэлтэй байна” гэж элчин сайдын яамны Facebook-т бичсэн байна.
Боомт дээр Оросын дипломатчдыг дагалдан БНАСАУ-ын Гадаад хэргийн яамны төлөөлөгч бүгд найрамдах улсын ард түмэнд Оросын үзүүлж буй хүмүүнлэгийн тусламжинд “маш их талархаж байна” гэж тэмдэглэжээ.
2019 онд Орос улс НҮБ-ын Хүн амын сангийн тусламжтайгаар 8 мянган тонн улаан буудай БНАСАУ руу шилжүүлсэн. ДХБ-ын Пхеньян дахь төлөөлөгчийн газрын мэдээлснээр, 2019 онд ОХУ-аас БНАСАУ-д нийлүүлсэн үр тарианы нийт өртөг $ 8 сая доллар юм. Гадаад хэргийн дэд сайд Игорь Моргулов тус улсад ган болсонтой холбогдуулан БНАСАУ-д хүмүүнлэгийн тусламж үзүүлэхэд бэлэн байна гэж мэдэгджээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй