• С.Жавхлан:Цэнхэр тэнгэрийн орноо хөхрөн цэнхэртүүлэхийн төлөө АН-д элслээ

    2020-05-14

    УИХ-ын С.Жавхлан АН-д элсэн орж буйгаа албан ёсоор мэдэгдлээ.

    АН-ын дарга С.Эрдэнэ “УИХ-ын гишүүн С.Жавхлан ардчилсан намын эгнээнд нэгдэж,хүний эрх,чөлөөг дээдэлсэн түүхэн шийдвэр гаргасанд туйлын баяртай хүлээж авч байна. 2016 оны УИХ-ын сонгуулийн үр дүнгээр бүлэг 9 гишүүнтэй байсан бол дөрвөн жилийн төгсгөлд дараагийн их хурлын босгон дээр мөн есүүлээ элэг бүтэн болж дараагийнхаа сонгуультайгаа золгох боллоо.

    Ес дэх гишүүн болж буй С.Жавхландаа АН-ын даргын хувьд чин сэтгэлийн халуун баяр хүргэе.

    Хүний эрх,эрх чөлөө,ардчиллыг дээдэлсэн ариун үйл явдалд тань илүү өндөр амжилт хүсье” гэлээ.

    Үүний хариуд УИХ-ын гишүүн С.Жавхлан “Их эзэн чингис хааныхаа өлмий дор хуралддаг,хар цагаан шүтээнээ шүтэн дээдэлдэг энэхүү бүл хүмүүс дээр нэмэгдэж ес дэх гишүүн болж бүтэн болгож байгаадаа туйлын их баяртай байна.

    Өнгөрсөн дөрвөн жилийн хугацаанд Монголын уудам талаар дуу хоолой маань хүрдэггүй байсан.

    Өндөр хэмжээнд өөрийгөө дайчилж ажилласан боловч санасанд хүрээгүй.

    Олуулаа болж байгаадаа баяртай байна. Цэнхэр тэнгэрийн орондоо дахин хонхны дуу дуугаргаж,хөхрөн цэнхэртүүлэх цаг айсуй ирж байна. АН-ын С.Эрдэнэ таньд хонхны дууны үгийг босоо хөх монголоор бичсэн дурсгалыг гардуулан өгч байна” гэлээ.

    gereg.mn

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ