М.Баярмагнайг ЗГХЭГ-ын дэд даргаар томиллоо

Самбаа Г

2020-04-29

Засгийн газрын ээлжит хуралдаан болж, Мягмарсүрэнгийн Баярмагнайг Засгийн газрын Хэрэг эрхлэх газрын Дэд даргаар томилжээ.

Тэрбээр 2019 оны зургадугаар сараас Засгийн газрын Хэрэг эрхлэх газрын Гадаад хамтын ажиллагааны албаны дарга, дэд даргын үүргийг хариуцагчаар тус тус ажиллаж байв. Ийнхүү өнөөдөр дэд даргаар томилогдсон байна.

Тэрбээр 1999-2008 онд Худалдаа хөгжлийн банкинд эдийн засагч, ахлах эдийн засагч, газрын захирал,

2009-2012 онд Хүнс, хөдөө аж ахуй, хөнгөн үйлдвэрийн яамны сангийн захирал, газрын дарга,

2016-2019 онд ЭХЯ-ны ТЗУГ-ын дарга,

2019 онд БОАЖЯны ТЗУГ-ын даргаар тус тус ажиллаж байжээ.

Түүний ажлын туршлага, ажиллах чадвар, удирдан зохион байгуулах болон ажил хэрэг чанарыг харгалзан тухайн албан тушаалд томилох үндэслэл болгосон хэмээн Засгийн газрын Хэвлэл мэдээлэлтэй харилцах хэлтсээс мэдээллээ.