• ЭМД-аар 250,000 төгрөгийн хөнгөлөлттэй үйлчлүүлэх боломжтой рашаан,сувиллын газрууд

    2020-04-28

    Нийслэл болон орон нутаг дахь нийт 56 рашаан,сувиллын газруудад долоон хоногоос дээш хэвтэн,сувилуулахад тухайн сувиллыг хоногийн төлбөр хэд байхаас үл хамааран 250 мянган төгрөгийн хөнгөлөлт эдлэх боломжтой юм.

    Өмнөх жилүүдэд 110 мянгын хөнгөлөлт эдлэдэг байсан бол энэ жилээс 250 мянга болон нэмэгджээ.

    Энэ талаар “Ар жанчивлан” сувиллын газраас лавлахад “Манай хоногийн төлбөр жирийн үед 50 мянган төгрөг байдаг. Харин Эрүүл мэндийн даатгалаар хөнгөлүүлснээр хоногийн 20-25 мянган төгрөг болж байгаа.

    Иргэд маань долоогоос дээш хоног хэвтэн үйлчлүүлэхдээ нийт үнийн дүнгээс 250,000 төгрөгийн хөнгөлөлт эдлэнэ гэсэн үг.

    Ирэхдээ тухайн сувиллынхаа хот дахь оффис дээрээс илгээх бичгээ аван,өрхийн эмнэлгээрээ бөглүүлсэн байх шаардлагатай. Насны хувьд хязгаар байхгүй,залуучууд ч хэвтэн сувилуулах боломжтой” гэлээ.

    Орон нутгийн рашаан,сувиллын сонгон шалгаруулалтыг хоёр жил тутамдаа зохион байгуулдаг бөгөөд 2020 ондоо багтаан дээрх жагсаалтад 1-2 сувилал шинээр нэмэгдэхээр гэрээ,хэлэлцээрийн шатанд явж байгаа болохыг ЭМДЕГ-аас мэдээллээ.

     

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ