• Нийт 286 эмч,сувилагч 14 хоног гэртээ харилгүй,гэрийнхэнтэйгээ уулзалгүй ажиллаж байна

    2020-03-23

    Эрүүл мэндийн яамнаас коронавирусын нөхцөл байдлын мэдээллийг хийж байна.

    ЭМЯ-ны Эмнэлгийн тусламж, үйлчилгээний газрын дарга Я.Буянжаргал  “Нэгдүгээр сарын 9-ний өдрөөс хойш нийт 3321 хүнийг тусгаарласнаас одоогийн байдлаар 2033 иргэн тусгаарлагдан ажиглалтад байна.

    Урьд шөнийн байдлаар Орхон аймагт нэмж 44 хүн тусгаарлагдаж, нийт 86 хүн тусгаарлан ажиглалтад байна. Бусад аймаг,сувиллууд дээр нэмэлтээр хүн ирээгүй байна.

    Засгийн газрын ээлжит бус хуралдаанаас санал оруулж гудамж,талбай орчны халдваргүйтлийг хэрхэн хийх, тусгаарлалтаас гарж байгаа иргэд эмнэлгээс гараад үргэлжлүүлэн гэртээ 14 хоног өөрсдийгөө тусгаарлах шийдвэрийг гаргуулсан.

    Эмч,эмнэлгийн мэргэжилтнүүдийг халдвараас сэргийлэх,дархлааг дэмжих, илүү цагийн хөлсийг нь олгохоор шуурхай ажиллаж байна.

    Тусгаарлан ажиглалтад байгаа өвчтөнүүдтэйгээ хамт 14 хоног тусгаарлагдан ажиллаж байгаа эмч,сувилагч, ариутгал үйлчилгээний ажилтан гээд 286 хүн гэр орондоо очихгүй,ар гэрийнхэнтэйгээ уулзахгүй явж байна.

    Өмнө нь 14 хоног тусгаарлагдаад гарсан эмч нар ч байгаа. Лабораторийн эмч нар, голомтын ариутгалын баг,тархвар судлалын баг, нисэх багтай болон хилийн боомтуудаас иргэдийг татах багт ажиллаж байгаа мөн түүний ард ажиллаж байгаа инженер техник,сантекникийн ажилчид,тогооч зэрэг мэргэжилтнүүд дайчлагдан ажиллаж байна.

    Монгол улсад эрчимт эмчилгээний нийт 633 ор байдгаас хүүхэд болон төрөхийн зориулалтыг хасахаар үлдсэн 273 орыг ашиглах боломжтой ” гэв.

     

    gereg.mn

    Холбоотой мэдээ