• Малгайгаа аван эх орондоо мэхийн ёсолсон жүжигчин Д.Солонго тусгай үүргийн онгоцоор ирсэн шалтгаанаа тайлбарлажээ

    2020-03-19
    БНСУ-аас тусгай үүргийн онгоцоор ирсэн иргэдийн дунд малгайгаа аван, эх орондоо мэхийн ёсолсон эмэгтэй олон хүний сэтгэлийг хөдөлгөсөн нь МАСК хамтлагийн жүжигчин Д.Солонго байв.

    Гэвч сүүлийн өдрүүдэд цахим  сүлжээгээр болон мессэжээр түүний оронд өөр өвчтэй хүн ирэх байсан, ирэх хэрэггүй байсан, мөнгөтэй хүнээр яриулж ирсэн гэх мэт таагүй сэтгэгдлийг илгээх болжээ.

    Тусгай үүргийн онгоцоор ирэх болсон шалтгаан нь Солонгос улсад хүнд хагалгаанд орсон хэмээн бичжээ.

    Түүний нүүр номондоо бичсэнийг хүргэе.

    Сайн байцгаана уу? та бүхэндээ энэ өдрийн мэндийг хүргэе. Та нар минь сэтгэл санаагаа өндөр байлгаж дархлаагаа сайн дэмжиж байгаа биздээ!?
    Олон хүмүүс надруу чиний оронд өөр өвчтэй хүн хөгшин хүн ирэх байсын ичдэггүй амьтан энэтэр гэж элдэв message явуулж байна. Би өөрийн биеийн тухайн үеийн байдлаа дэлгэхэд хүргэлээ. Уучлаарай Би зүгээрл ёс журмаараа хагалгаанд орсон бичиг баримттайгаа бусдынхаа адил элчин дээр очерлож явах зөвшөөрлөө авсан юм шүү!!
    Гоо сайханы хагалгаа л юмуу гэх юм зарим хүмүүсд хөнгөн сонсогдож мэднэ үгүйдээ хөнгөн биш. Маш хүнд төрлийн хагалгаанд орсон. Айж ичиж нуух юм байхгүйээ!

    Би үнэн,зөв байхыг хичээж явдаг бусдын л адил хүн!

    Олон жил би эрүү шүдний буруу зуулттай асуудалтай байж улам эрүү минь далийх аюултай гэсэн оноштой явж ирсэн.

    Нэлээд судалсаны эцэст санал тавьж Солонгосын “ID”эмнэлэгийн Эрүүний хагалгаанд орох завшаан надад тохиосон юм. Солонгосруу Эмнэлгийнхээ заасан хугацаанд очсон минь тахалтай нүүр тулна гэж мэдсэнгүй явлаа!

    Тухайн үед явахад минь Солонгосд аюулгүй байсан учир айх зүйлгүй эхний 7 хоног хагалгааны бэлтгэл шинжилгээнүүдээ өгч 7 хоногийн дараа хагалгаандаа орсон. Их л зоригтой орсондоо хөөрхий.

    Хагалгаа минь ч мундаг эмч нарынхаа буянаар амжилттай сайн болсон.Гэвч хагалгааны дараах хүндрэлтэй хугацааг давах шаардлагатай тулгарсаан гарч ирээд шокний байдалтай маш хэцүү байлаа дархлаа минь унаж Хоол унд идэж чадахгүй,бие минь сульдаж амаар минь дүүрэн оёотой түр гуурстай байлаа.

    Хагалгаанаас гарч ирээд 2 хонож байхад муухай тахал тархаж хүнд байдал зарлагдсан байсан.

    Эмчилгээний дараа агаарт гарах чухал байлаа дархлаа муутай хүн өвчинд өртөх аюултай байсан учир ерөөсөө гараагүй. Агааргүй өрөөнд байлаа биеийн байдалын хажуугаар Тахалаас болж сэтгэл санаагаар маш их унасан.

    14 хоног суугаагаараа унтаж өдрийг ганцаараа өнгөрөөж сэтгэл зүйн хувьд маш муу орой болгон хар дарж өглөө нарыг хүлээж байлаа.

    Энэ үед өөрийн эрхгүй Монголынхоо тэнгэрээ,эх орон, агаараа гэр орон, гэр бүлээ өөрийн гэсэн хайртай бүхнээ маш их санаж уйлаад л байж байсан үе минь саяхан.

    Тэр мэдрэмжийг миний хэцүү байдалыг туулсан хүн л мэдэх бизээ. Монгол хүн үгээр,урмаар,сэтгэлийн хүчээр амьд байж оршдог юмаа. Та нар минь битгий буруугаар ойлгож элдвээр хэлээсэй гэж чин сэтгэлээсээ хүсэж байна.

    Одоо би улсынхаа хамгаалалтад иргэн хүнийхээ хариуцлагаар дүрэм журмыг маш сайн чандлан сахиж байна.

    Монгол шөлөөрөө бие минь тэнхэрч,монголынхоо агаараар дархлаа минь өндөр,сэтгэл минь дээд цэгтээ хүрчээ энд хамтдаа тусгаарлагдсан бүх хүмүүс гэр бүлдээ,хайртай хүмүүстэйгээ,эрүүл энх уулзаж монголынхоо газар шороон дээр аз жаргалтай алхахыг л хүсэж байна. Эх орондоо тусгаарлагдсан хүмүүс айх аюулгүй амар тайван унтацгааж байна. Янз бүрийн шалтгаанаар гадаадийг зорьсон олноо битгий муулаарай сайндаа биш амьдарцгаах гэж л шүү дээ. Бидний ард Монгол хүнийхээ төлөө нойр хоолгүй ажиллаж байгаа Төр засагтаа, Эрүүл мэндийн яамдаа,Онцгой байдалынхандаа,Монголын нисэх хүчин MИАТ- компаныхандаа,Эмч сувилагч нартаа, Өлгийдөн авах сайхан Эх орондоо сайхан сэтгэлт Монгол ахан дүүс та нартаа маш их баярлалаа та нартаа мөргөе. Дэлхийн хүн бүр эрүүл энх байгээ.

    Амьддаа бие биенээ хайрлая.

    Хамтдаа бид давж гарч чаднаа.

    gereg.mn

    Холбоотой мэдээ