Энэ сарын 30-ныг хүртэл сүм хийд, спорт болон иогийн төв, соёл урлагийн газрууд ажиллахгүй

2020-03-16

Нийслэлийн мэргэжлийн хяналтын газраас сүм хийд, спортын төв, соёл урлагийн газруудын үйл ажиллагааг энэ сарын 30-ныг хүртэл түр зогсоосон шийдвэр хэвээр гэх мэдээллийг өглөө.

Нийслэлийн Засаг даргын 2020 оны гуравдугаар сарын 10-ны өдрийн А/333 тоот захирамжийн дагуу энэ сарын 16-ны өдрийг хүртэл ариутгал халдваргүйтгэлийг хийлгэхээр түр зогсоосон худалдаа үйлчилгээний газруудын үйл ажиллагааг өнөөдрөөс нээсэн.

Харин Нийслэлийн Засаг даргын 2020 оны 02 дугаар сарын 26-ны өдрийн А/223 тоот захирамжийн дагуу 03 дугаар сарын 30-ны өдрийг хүртэл түр хугацаагаар зогсоосон.

Үүнд,

  • сүм хийд,
  • бүх тѳрлийн баар,
  • фитнесс,
  • иог,
  • бүжгийн клуб,
  • саун,
  • дэн буудал,
  • биллиард,
  • спорт заал,
  • амралт, аялал жуулчлал зэрэг спорт, соёл урлагийн газрууд хугацаа дуустал үйл ажиллагаа явуулахгүй.

Мөн ресторан нийтийн хоолны газрууд 22:00 цаг хүртэл ажиллана.

 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ