• COVID19-д өртөх эрсдэлтэй ахмад настан, архаг хууч өвчтэй хүмүүс юуг анхаарах вэ?

    2020-03-12

    COVID-19 халдварт өртөх эрсдэлтэй хүмүүсийг ахмад настан буюу 60-аас дээш насныхан, архаг хууч өвчтэй хүмүүс гэж ДЭМБ-аас зарласан.

    Гэхдээ уг халдвараар бүх насныхан өвчилж байна. 90 гаруй хувийг 30-аас дээш насныхан эзэлж байгаа бол өндөр настан, архаг хууч өвчтэй хүмүүс нас барах эрсдэл өндөр байна.

    ДЭМБ-аас нөөдөр цар тахал гэж зарласантай холбоотойгоор уг халдвараар өвчлөх эрсдэлтэй хүмүүст  40-өөс дээш насныхныг хамруулахаар болсон билээ.

    Үүнтэй холбоотойгоор 40-өөс дээш насныханд зориулсан зөвлөгөө боловсруулах болсон талаар ДЭМБ-аас мэдээлэв.

    Харин өндөр настан болон хууч өвчтэй /чихрийн шижин, артерийн даралт ихдэлт, хавдар, зүрх судас, бөөр, амьсгалын замын өвчтэй, дархлаа дарангуйлах эм хэрэглэдэг хүмүүс хүндрэх эрсдэлтэй гэж үзэн  ЭМЯ-наас дараах зөвлөгөөг өгч байна.

    • Эмчийн хяналтад тогтмол байх
    • Эмийг эмчийн зааврын дагуу хэрэглэх
    • Холбоо барих хүний утасны дугаартай байх
    • Давс, чихэр, өөх тос багатай хоол, хүнс хэрэглэх
    • Халуун, бүлээн шингэн зүйл уух
    • Сайн унтаж амрах
    • Тайван стрессгүй ядрахгүй байх
    • Дулаан хувцаслах, даарахгүй байх
    • Өөрт тохирсон дасгал хөдөлгөөн хийх
    • Ханиаж, найтааж байгаа хүнээс хол байх
    • Олон нийтийн газраар явахгүй байх
    • Амны хаалт зүүх
    • Гараа сайтар савандаж угаах
    • Бие тавгүйрхвэл Яаралтай тусламжийн төв – 103,
    • СЭМҮТ – 1800-2000 утсаар зөвлөгөө авах,
    • харьяа сум, өрхийн эрүүл мэндийн төвд хандах

    Эх сурвалж:ЭМЯ

    gereg.mn

    Холбоотой мэдээ