Т.Төмөрбаатар:Сануулсаар байхад Монгол улсын 4 иргэн хоёрдугаар сарын 16-нд Тайланд руу аялаад ирсэн байна

2020-02-29

Коронавирусээс урьдчилан сэргийлэх зорилгоор хилийн боомтууд дээр МХЕГ-ын улсын байцаагч нар 24 цагийн турш ажиллаж байна. Сүүлийн гурван өдөрт гэхэд нийт 219 сэжигтэй тохиолдлыг хил дээрээс илрүүлж ХӨСҮТ болон бусад эмнэлгийн байгууллагад шилжүүлэн ажиллажээ.

“Ард иргэдэд сануулсаар байхад голомттой бүс рүү зорчиж байгаа тохиолдол байна” гэж МХЕГ-ын Улсын ахлах байцаагч Т.Төмөрбаатар хэллээ. Тодруулбал:

  • Хоёрдугаар сарын 27-ны өдөр Нурсультан-Улаанбаатарын чиглэлээр ирсэн Монгол иргэн Солонгос улс руу явж, Сөүлийн 2-3 эмнэлгээр ажлын туршлага судалга гэдэг нэрийдлээр явсан. Буцахдаа БНСУ-ын хил хаасан учир Казакстан улсаар дамжин ирсэн байна.
  • Мөн өчигдөр Алтанбулаг боомт дээр Солонгос болон бусад улсаас дамжин ирсэн сэжигтэй тохиолдлуудыг хяналтанд авчээ. Ингэхэд эдгээр хүмүүс дотор Монгол улсын дөрвөн иргэн хоёрдугаар сарын 16-нд Тайланд руу аялалаар яваад ирсэн байна

Т.Төмөрбаатар “Сануулсаар байхад голомттой бүс нутаг руу явсаар байгаа нь маш их эрсдэл үүсгэж байна” гэлээ.

Энэ чиглэлээр МХЕГ, ОБЕГ,Цагдаагийн байгууллага, Тагнуулын байгууллага өндөржүүлсэн бэлэн байдалд ажиллаж байна.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ