• БНСУ-ын Дэгү хотод цэцэрлэг,сургуулиуд хөл хорьж,Сөүлийн нэг компанийн 800 ажилтан гэр гэртээ тусгаарлагдлаа

    Өмнөд Солонгос улсад шинэ коронавирусээр өвчлөгсдийн тоо 104-т хүрсний зэрэгцээ тус вирусээр нас барсан анхны тохиолдол өнөөдөр буюу пүрэв гарагт бүртгэгжээ.

    Үхлийн талаарх илүү дэлгэрэнгүй судалгааг хийж байгаа талаар Солонгосын Өвчний хяналт,урьдчилан сэргийлэх төвөөс мэдээллээ.

    Халдвар авсан хүмүүсээс хамгийн багадаа 70 орчим нь Дэгү хотын оршин суугчид бөгөөд тэдгээрээс олонхи нь  коронавирусын халдвар тарсан Есүсийн Шинчёнжи сүмийн цуглаанд очсон байна.

    Дэгү хотын захирагч иргэдээ аль болох гэртээ байхыг зөвлөж,цэцэрлэгүүдийн үйл ажиллагааг зогсоож, харин гуравдугаар сард эхлэх байсан сургуулиудыг үйл ажиллагааг түр хойшлууллаа. Улмаар Солонгосын дөрөв дэх том хот болох 2.5 сая хүн амтай Дэгү хотын дэлгүүр, зоогийн газар,гудамжууд ил хуль болжээ.

    Дэгү нь Сөүл хотоос ердөө 240 километрийн зайтай.

    Хотын дарга Вонг Ян Жин хэвлэлийн хурлын үеэр “Бидний хувьд урьд өмнө нь нүүр тулж байгаагүй аюул ирээд байна” хэмээн сэрэмжлүүлжээ. Тэрбээр одоогоор сүмийн цуглаанд оролцсон 1,000 орчим хүний 90-д нь шинж тэмдэг илрээд байгаа гэв.
    Өмнөд Солонгост гарсан өмнөх тохиолдлууд нь ихэвчлэн Хятад улсад зорчсон эсвэл зорчоод ирсэн хүнтэй хавьтлын шинжтэй байв.
    Өмнөд Солонгосын гар утасны чип үйлдвэрлэгч SK Hynix компанийн 800 ажилтан өөрсдийгөө гэртээ тусгаарлаад байна. Хэдий тус компаний үйл ажиллагаа явуулдаг Ичеон хотод халдвар дэгдээгүй боловч нэг ажилтан нь коронавирусын халдвартай гэж тогтоогдсон Дэгү хотын нэгэн оршин суугчтай ахуйн хавьталд орсон байна.
    Эх сурвалж:South China morning post

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ