Ази тивийн аварга шалгаруулах тэмцээний туялзуур сэлэмний төрөлд хоёр ч удаа хүрэл медалийн эзэн болсон,Хонгконгийн иргэн Мариа Чан нь одоогоос 17 жилийн өмнө таван хоногийн турш эрчимт эмчилгээнд байсны эцэст SARS-аас амьд үлдэж чадсан нэгэн юм.
Тэрээр нийт Хонгконгчуудыг тухайн үед өөрийгөө халдвар авахад хүргэсэн алдааг нь давтахгүй байхыг анхааруулж байна.
Өдгөө 46 настай Мариа Чаны хувьд 2003 онд дэлхий нийтийн анхаарлын төвд байсан,нийт 329 хүн халдвар авч, 42 хүн нас барсан Хонгконгийн Kowloon хот дахь Amoy Gardens хорооллын оршин суугч байжээ.
Тэрээр өөрийн алдаагаа эрүүл мэндийн аюултай нөхцөл байдлын үед биеэ буруу авч явсан гэсэн байна.
“Би тэр үед тоогүүгүй, маск зүүгээгүй, тэр байтугай олон хүн цугласан дэлгүүрүүд рүү явж байсан. Тухайн үед зөвхөн өвчтэй хүмүүс л амны хаалт зүүх юм байна гэж бодсон. Амны хаалт, гар ариутгагч гээд ямар ч хувийн бэлтгэлгүй байсан” хэмээн ярьжээ.
Халдвар авсныхаа дараа дэлгүүрт өөр лүү нь найтаасан эмэгтэйгээс вирус авсан байх гэсэн боловч харамсалтай нь эрүүл мэндийн байгууллагынхан түүнийг нь тогтоож чадаагүй юм.
“Тэр үед хүмүүс нийгэмд халдвар гараагүй гэцгээж байсан. Тиймээс би Хонгконгчуудад коронавирусын дэгдэлт гарсан энэ үед гэртээ байж, аль болох олон нийтийн газраар явахгүй, амны хаалт зүүж, тогтмол гараа угаахыг анхааруулж байна. Миний хийсэн алдааг битгий давтаарай” гэжээ.
SARS-ын улмаас дэлхий дахинд 813 хүн нас барж 8,437 хүн халдварласан.Нас барагсдын 299 нь Хонгконгод бүртгэгджээ. SARS-ын дэгдэлтийн үед Amoy Gardens нь олны анхаарлын төвд байсан бөгөөд дэлхийн хэмжээнд хамгийн олон халдварын тохиолдол болон нас баралт бүртгэгдсэн байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
6 cэтгэгдэлтэй
baga um shig bolovch udchilan segiileh iim ach holbogdoltoi baina, mongold gaduur sogtuu yavaad baigaa hymyys bol haldvartai l baigaa daa, hyatad shig yavsan gazar bolgon ni haluun hemjih heregtei shdee, tiim um ni baihgui dee mongold
Ene hajagaar orood yxan-d odoo baidal jamaar baigaag uzeerei.
https://www.brighteon.com/40a7b19c-d849-4eb7-8276-dfd80d02f442?fbclid=IwAR2Y3TsknT2PakPY5G-O7F_QO8weQqY3RwH45mgVu-1vaWsobTV7XA4AH90
Coronavirusiin unen baidal: https://www.brighteon.com/40a7b19c-d849-4eb7-8276-dfd80d02f442?fbclid=IwAR2Y3TsknT2PakPY5G-O7F_QO8weQqY3RwH45mgVu-1vaWsobTV7XA4AH90
zarim hvmvvs maskaa zvvhgvi ,uuduus haniagaad b,alee,,dendvv heneggvi yumdaa
ДООРХ БИЧЛЭГҮҮДИЙГ ОЛОН ТҮМЭНД ҮЗҮҮЛЖ СЭРЭМЖЛҮҮЛЭХ ХЭРЭГТЭЙ ШҮҮ
Зовлон бэрхшээлийг давж туулна гэдэг бол тэсвэр тэвчээр ухааныг юм