Баян-Өлгий аймагт Covid-19 вирусийн сэжигтэй байж болзошгүй тохиолдол илэрсэн тул аймгийн Засаг даргын захирамжаар хязгаарлалт хийжээ.
Тодруулбал, уг иргэний шинжилгээний хариу гартал захуудын үйл ажиллагааг зогсоож, кафе, сүм, хийдүүдийн үйл ажиллагааг гуравдугаар сарын 2-ныг хүртэл зогсоосон байна.
Мөн сэжигтэй тохиолдол болон хавьтал болсон иргэдийг тусгаарлаж, байршлыг хамгаалалтад авахыг даалгасан аж.
Тусгаарлагдсан иргэн нь хоёрдугаар сарын 7-ний өдөр 21 настай эрэгтэй Замын-Үүдээс Улаанбаатарт ирсэн бөгөөд хоёрдугаар сарын 11-ний өдөр хувийн таксигаар Баян-Өлгий аймагт очсон байна. Тухайн иргэн халуурсан бөгөөд өчигдөр 22:00 цагт аймгийн нэгдсэн эмнэлэгт тусгаарлан шинжилгээг авч, Ховд уруу илгээжээ.
Дашрамд дуулгахад НҮБ-аас өчигдөр шинэ коронавирусыг Covid-19 хэмээн нэрлэснээ зарласан.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй