Өнөөдрийн байдлаар шинэ төрлийн коронавирусийн халдвараар 24483 хүн өвчилж, 491 хүн нас бараад байна.
Монгол Улсын хувьд шинэ коронавирусийн халдвар бүртгэгдээгүй ч, сэжигтэй тохиолдол бүрийг ХӨСҮ-д тусгаарлан, тандалт, шинжилгээ хийж байгаа юм.
Тэгвэл өнөөдөр Дархан, Орхон аймагт коронавиурсийн сэжигтэй тохиолдол бүртгэгдсэн.
Тодруулбал, Орхон аймагт БНХАУ-ын Ухань хотоос ирсэн тээврийн жолоочийг өнөөдөр тусгаарласан байна. Түүний биеийн халуун хэвийн байсан ч халдварын голомт хотоос ирсэн учир ДЭМБ-ын зѳвлѳмжийн дагуу түүнийг тусгаарлажээ.
Шинжилгээний дээжийг Улаанбаатар руу авчирсан бөгөөд хариу нь маргааш гарна гэж Орхон аймгийн Онцгой комиссоос мэдээлэв.
Мөн БНСУ-аас зорчиж ирсэн хоёр иргэнийг ХӨСҮТ-д тусгаарлаж, тандалт судалгаа авч эхэлжээ.
Энэ талаар ХӨСҮТ-ийн захирал Д.Нямхүү “2020 оны хоёрдугаар сарын 3-нд тусгаарлагдсан нэг тохиолдлын хариу сөрөг гарсан. Хоёрдугаар сарын 4-нд Дархан-Уул аймагт нэг сэжигтэй тохиолдол илэрсэн тул тусгаарлан, тандалт судалгаа, шинжилгээ хийж, эмчийн хяналтад байлгаж байна.
Өчигдөр буюу 4-ний 23:00 цагт Сөүл-Улаанбаатар чиглэлийн онгоцоор зорчиж ирсэн хүмүүсээс сэжигтэй хоёр тохиолдол илэрсэн. Тухайн хоёр хүнийг ХӨСҮТ-ийн тусгай тасагт тусгаарлан, шинжилгээнд хамруулсан. Хариу нь маргааш гарна” гэлээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй