УИХ-ын Халдашгүй байдлын дэд хорооны өнөөдрийн хуралдаанаар УИХ-ын гишүүн Н.Номтойбаярын бүрэн эрхийг түдгэлзүүлэх хүсэлтийг хүлээн авах эсэхийг хэлэлцэнэ.
Улсын ерөнхий прокуророос УИХ-ын гишүүн Н.Номтойбаярын бүрэн эрхийг түдгэлзүүлэх саналыг өчигдөр УИХ-д хүргүүлсэн. УЕП-оос ирүүлсэн саналыг 48 цагийн дотор УИХ-аар шийдэх хуультай.
Халдашгүй байдлын дэд хороог УИХ-ын гишүүн Ц.Нямдорж даргалдаг бөгөөд парламентад хамгийн олон удаа сонгогдсон гишүүд болох Д.Лүндээжанцан, Ч.Улаан, Ө.Энхтүвшин, Н.Энхболд нар гишүүнээр ажилладаг.
Энэ дагуу өнөөдөр УИХ-ын Халдашгүй байдлын дэд хороо, холбогдох байнгын хороод, нэгдсэн чуулган хуралдахаар болжээ.
Тодруулбал,
- 09:00 цагт Г танхимд УИХ-ын Халдашгүй байдлын дэд хороо,
- 09:30 цагт Их эзэн Чингис хаан танхимд Хууль зүйн байнгын хороо,
- 11:00 цагт Төрийн байгуулалтын байнгын хороо Их эзэн Чингис хаан танхим
- 10:00 цагт Чуулганы нэгдсэн хуралдаан болно.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй