• Монгол жолооч Ардчилсан Солонгос, Гүрж, Латви зэрэг 16 улс руу тээвэр хийх боломжтой боллоо

    2020-01-15

    Зам, тээврийн хөгжлийн яамнаас өнөөдөр мэдээлэл хийж, Монгол жолооч нар 16 улс руу тээвэрлэлт хийх боломжтой болсныг ЗТХЯ-наас мэдээллээ.

    Тодруулбал,

    • ОХУ,
    • БНХАУ,
    • Казахстан,
    • Киргизстан,
    • Украйн,
    • БНАСАУ,
    • Беларусь,
    • Латви,
    • Унгар,
    • Турк,
    • Литва,
    • Польш,
    • Герман,
    • Гүрж,
    • Словак зэрэг 16 улс руу тээвэрлэлт хийх үүд нээгджээ. Эхний туршилтаар “Монтранс авто” ХХК тээвэр хийж, амжилттай дуусгажээ.

    Тээвэрлэлт гүйцэтгэх ААН-д дараах  шаардлагыг тавьж байна.

    БНХАУ-ын нутаг дэвсгэрт тавигдаж буй шаардлагын дагуу Евро-4 болон түүнээс дээш экологийн стандартын шаардлага хангасан тээврийн хэрэгсэлтэй гаалийн итгэмжлэгдсэн тээвэрлэгч нар уг хэлэлцээрийн хүрээнд тээвэрлэлт гүйцэтгэх бүрэн боломжтой.

    • Тээвэрлэлт гүйцэтгэх зөвшөөрлийн бичгийг “Авто тээврийн үндэсний төв’” ТӨҮГ-т хандан авна. Үүнээс гадна Зам, тээврийн хөгжлийн яамны зүгээс олон улсын худалдаа тээврийг хөнгөвчлөх үүднээс Монгол Улсын Засгийн газар, БНХАУ-ын Засгийн газар хоорондын авто тээврийн хэлэлцээрийг хэрэгжүүлэх тухай БНХАУ-ын Тээврийн яамтай байгуулсан Протоколыг 2019 онд шинэчлэн байгуулсан.
    • Уг шинэчилсэн протоколоор Монгол эсхүл Хятадын тээвэрчид өөрийн тээврийн хэрэгслээр Монгол Улс, БНХАУ-д болон гуравдагч улсад бүртгэлтэй хагас чиргүүлээр Монгол-Хятадын хооронд тээвэрлэлт гүйцэтгэх боломжийг бүрдүүлсэн байх хэрэгтэй аж.

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ