• 500 гаруй жилийн түүхтэй судар хулгайлсан хулгайч баригджээ

    Сүүлийн үед орон байрны хулгай ихээр гарах болсныг Цагдаагийн албанаас мэдээлж байна. Тодруулбал, энэ сарын 6-ны өдөр Дундговь аймгийн Сайнцагаан сумын иргэн Б-гийн гэрт байсан 500 гаруй жилийн түүхтэй есөн эрдэнийн Жадамба судрыг хулгайлжээ.

    Энэ хэргийг Цагдаагийн байгууллага шалгаж, улмаар тус аймгийн харьяат, 1994 онд төрсөн И үйлдсэн болохыг тогтоосон байна. Уг судрыг И нь нийслэл хотод шашны эдлэл зарж борлуулдаг иргэдэд 15 сая төгрөгөөр худалдсан байжээ. Эдгээр иргэдийг цагдаагийн байгууллагаас мөнгө угаах гэмт хэрэг үйлдсэн байж болзошгүй хэмээн шалгаж буй юм байна.

    Мөн амины орон сууц, орон байрны хулгай үйлддэг бүлэг этгээдийг илрүүлжээ. Уг этгээдүүд өмнө нь энэ төрлийн гэмт хэргээр удаа дараа ял шийтгэл эдэлж байсан аж. Тэд урьдчилсан мэдүүлэгтээ бусдын орон байранд 40 удаа нэвтрэн орж эд зүйлс хулгайлсан гэдгээ хүлээжээ. Тэдний энэ үйлдэлд Цагдаагийн байгууллагаас цагдан хорих таслан сэргийлэх арга хэмжээ авчээ.

    Иймд иргэд орон байраа хараа хяналттай байлгах, цонхонд хаалт хийлгэх, хаалгыг давхар сайтар түгжихийг Цагдаагийн байгууллагаас анхааруулж байна.

    gereg.mn

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ