Америкийн долоо хоног тутмын Time сэтгүүл 2010 оноос хойших хамгийн чухал, нөлөө бүхий хэрэгслүүдийн жагсаалтыг гаргажээ. Энэхүү үнэлгээг 12-р сарын 14-ний бямба гарагт тус хэвлэлийн вэбсайтад нийтэлжээ.
Тэргүүн байрыг 2010 онд гарсан Apple iPad эзэлж байгаа бөгөөд энэ нь компьютерийн салбарт хувь хүнд соёлын мэдэгдэхүйц өөрчлөлтийг авчирч, зөөврийн төхөөрөмжүүдийн цаашдын хөгжилд өөрийн үүргийг гүйцэтгэжээ.
Хоёрт Tesla Model S. автомашин орсон. Энэхүү цахилгаан машин нь автомашины үйлдвэрлэлийн чиглэлийг өөрчилж, үйлдвэрлэгчдэд батерейны хүчийг ашиглах санааг хүлээн зөвшөөрүүлсэн юм.
Гуравдугаарт Raspberry Pi мини-компьютер орсон бол дараа нь дөрөвдүгээрт Google Chromcast медиа тоглуулагч, тавд DJI Phantom дрон оржээ.
Шилдэг гаджетуудын чансаанд мөн Amazon Echo “ухаалаг” багана, Apple Watch цаг болон Apple AirPods утасгүй чихэвч багтжээ. Эрүүл амьдралын хэв маягийг сахихад чиглэсэн Apple Watch цаг нь эрүүл мэндийн байдлыг хянах хамгийн боломжит арга гэдгийг хэвлэлд тэмдэглэжээ.
Жагсаалтын ес, аравдугаар байрыг 2017 онд гаргасан Nintendo Switch зөөврийн тоглоом тоглууоагч, Xbox консолын дасан зохицох тоглуулагч тус тус эзэлсэн байна.
12-р сарын 11-нд Time Шведийн эко идэвхтэн Грета Тунбергийг оны хүнээр нэрлэсэн. Оны хүн болохоор АНУ-ын Төлөөлөгчдийн танхимын идэвхтэн Нэнси Пелоси, Фэйсбүүкийг үндэслэгч Марк Цукерберг, АНУ-ын Ерөнхийлөгч Дональд Трамп, Тагнуулын төв газрын нэрээ нууцалсан офицер, Америк хөлбөмбөгчин Меган Рапино, Хятад улсын дарга Си Зиньпин нар өрсөлдсөн.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй