Туркийн удирдагч Режеп Тайип Эрдоган 2020 оны 4-р сарын 1-ээс зочид буудлын байранд 2 хувийн татвар ногдуулахаар тус улсын парламентаас батлан гаргасан үйлчилгээнд ногдуулах татварын тухай хуульд гарын үсэг зурав.
Энэ тухай Resmi Gazete албан ёсны хэвлэлд өгсөн мэдээллийг иш татан РИА Новости мэдээлэв.
Эрдоган өмнө нь энэ хуулийг шинэчлэн найруулахаар илгээсэн гэж мэдэгдсэн боловч зөвхөн цахилгаан эрчим хүч үйлдвэрлэгчдэд татвар ногдуулахтай холбоотой байсан юм.
10-р сарын сүүлээр Оросын аялал жуулчлалын операторуудын холбоо 2020 онд Туркийн аялал жуулчлалын салбарт шинэ татвар гарч магадгүй гэж мэдэгдсэн бөгөөд энэ нь бүх байрлах байгууламж, түүний дотор зочид буудалд нөлөөлнө гэсэн юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй