Хууль зүйн сургуульд 10 жил багшлаад л УДШ-ийн шүүгчээр шууд томилогдож болно

 Улсын дээд шүүхийн шүүгчийн албан тушаалд нэр дэвшигчийг танилцуулах асуудлыг өчигдөр Хууль зүйн байнгын хороогоор хэлэлцсэн.

Намтрыг ЭНД-ээс.

Ийнхүү 24 жилийн турш их, дээд сургуульд багшлахаас өөр ажил хийгээгүй Б.Амарбаясгаланг УДШ-ийн шүүгчээр томилох гэж байгаад гайхсан уншигчид асуулт ирүүлжээ.

Тэр нь ”Анхан болон давж заалдах шатны шүүхэд ажиллаж байгаагүй хүн яахаараа УДШ-ийн шүүгчээр томилогддог юм бэ” гэх асуулт.

Шүүгчийн эрх зүйн байдлын тухай хуулийн дараахь заалтууд Хууль зүйн сургуулийн багшийг УДШ-ийн шүүгчид томилох эрх зүйн нөхцөл нь аж.

Шүүгчийн эрх зүйн байдлын тухай хуулийн 6 дугаар зүйл.Хяналтын шатны шүүхийн шүүгчид тавих болзол, шаардлага

• 6.1.Хяналтын шатны шүүхийн шүүгч буюу Улсын дээд шүүхийн шүүгч энэ хуулийн 4 дүгээр зүйлд зааснаас гадна дор дурдсан нэг буюу түүнээс дээш шаардлагыг хангасан байна:
• 6.1.1.давж заалдах шатны шүүхэд таваас доошгүй жил ажилласан;
• 6.1.2.өмгөөлөгч, шүүгч, прокуророор арваас доошгүй жил ажилласан;
• 6.1.3.Хуульчдын холбооноос магадлан итгэмжлэгдсэн хууль зүйн сургуульд арваас доошгүй жил багшилсан.

Өөрөөр хэлбэл, 6.1.3 дугаар заалтаар Б.Амарбаясгалан УДШ-ийн шүүгчээр томилогдож байна.

Шүүхийн системд огт ажиллаагүй  хэрнээ Хууль зүйн сургуульд 10 жил багшилсан бол УДШ-ийн шүүгчээр шууд томилогдох эрх зүйн орчин үйлчилж байна.