• Улсын дээд шүүхийн шүүгчээр томилогдох Б.Амарбаясгалан гэж хэн бэ

    2019-12-04

    УИХ-ын Хууль зүйн байнгын хорооны өнөөдөр Улсын дээд шүүхийн шүүгчийн албан тушаалд томилох асуудлыг хэлэлцэнэ. Монгол Улсын Үндсэн хуулийн Тавин нэгдүгээр зүйлийн 2, Шүүгчийн эрх зүйн байдлын тухай хуулийн 15 дугаар зүйлийн 15.1 дэх хэсэг, Улсын Их Хурлын чуулганы хуралдааны дэгийн тухай хуулийн 41 дүгээр зүйлийн 41.1, 41.2 дахь хэсэгт заасны дагуу Улсын дээд шүүхийн шүүгчид нэр дэвшигчийг УИХ-д танилцуулж, Ерөнхийлөгч томилно.

    НЭР ДЭВШИГЧ Б.АМАРБАЯСГАЛАН ГЭЖ ХЭН БЭ?

    Нэр дэвшигч Болдын Амарбаясгалан нь 1974 онд Улаанбаатар хотын Сүхбаатар дүүрэгт төржээ.

    1981-1991 онд Нийслэлийн Баянгол дүүргийн Оросын 2 дугаар дунд сургууль

    1991-1995 онд Монгол Улсын Их Сургуулийн Хууль зүйн сургуульд эрх зүйн бакалавр

    1999 онд Батлан хамгаалахын их сургуулийг Хууль зүйн ухааны магистр

    2013 онд Монгол Улсын Их Сургуулийн Хууль зүйн сургуульд Хууль зүйн ухааны докторын зэргийг тус тус дүүргэсэн байна. Эрх зүйч мэргэжилтэй, хууль зүйн ухааны докторын зэрэгтэй, хуульч цолтой.

    Ажилласан байдал:

    1995-1998 онд Монгол Улсын Их Сургуулийн Хууль зүйн сургуульд эрдэм шинжилгээний ажилтан

    1998-2007 онд Монгол Улсын Их Сургуулийн Хууль зүйн сургуульд багш

    2007-2013 онд Монгол Улсын Их Сургуулийн Хууль зүйн сургуульд Ахлах багш

    2013-2017 онд Монгол Улсын Их Сургуулийн Хууль зүйн сургуулийн Сургалтын албаны дарга, 2017 оноос Монгол Улсын Их Сургуулийн Хууль зүйн сургуульд дэд профессороор ажиллаж байна.

    Нэр дэвшигч Б.Амарбаясгалан шүүгчийн сонгон шалгаруулалтын суурь болон тусгай шалгалтад Шүүхийн мэргэшлийн хорооны нэгдсэн үнэлгээгээр 66.52 оноо авсан. Шүүхийн ерөнхий зөвлөлийн болон Монголын хуульчдын холбооны дүгнэлтээр мэргэшил, ур чадвар, нэр хүндийн хувьд Улсын дээд шүүхийн шүүгчээр ажиллах шаардлага хангасан гэж үзэн ийн УИХ-д танилцуулж байгаа ажээ.

    Хууль зүйн байнгын хороо болон чуулганы хуралдаанд танилцуулсны дараа Улсын дээд шүүхийн шүүгчээр томилох зарлигийг Ерөнхийлөгч Х.Баттулга гаргана.

    gereg.mn

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    • Ядаж анхан шатны шүүхэд ч ажиллаж байгаагүй, шүүгчийн ажлын туршлагаггүй л хүн байна. Хэн дуртай нь Дээд шүүхийн Ерөнхий шүүгч хийж чадахгүй байхоо

    Холбоотой мэдээ