• Өндөр чансаатай 128 бөхийн барилдаанд улсын начин Н.Баярбаатар түрүүлж, Б.Орхонбаяр үзүүрлэлээ

    Их Эзэн Чингис хааны мэндэлсний 857 жилийн ой, Монгол бахархлын өдөр болон Анхдугаар Үндсэн хуулиа баталж, Бүгд Найрамдах улс тунхагласны 95 жилийн ойн баярын өдөрт зориулсан  хүчит бөхийн барилдаанд Сэлэнгэ аймгийн Мандал сумын харьяат улсын начин Н.Баярбаатар түрүүлж, улсын начин Б.Орхонбаяр үзүүрлэлээ.

    Улсын аварга, арслангуудаар манлайлуулсан өндөр чансаатай, шилдэг 128 бөхийн барилдааны шөвгийн дөрөвт аварга Н.Батсуурь болон улсын харцага О.Хангай нар шалгарч үлдсэн юм.

    Өчигдрийн барилдааны үзүүр түрүү булаалдсан Сэлэнгэ нутгийн хоёр бөх энэ жилийн Сэлэнгэ аймгийнхаа баяр наадамд үзүүр түрүү булаалдсан бөгөөд улсын баяр наадмаар нэг өдөр улсын начин цол хүртсэн хүчтэнүүд юм.

    gereg.mn

    АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

    Холбоотой мэдээ