Ч.Хүрэлбаатар: Хоёр жилийн өмнө батлагдсан хуулинд хориг тавьж болдоггүйг мэдэж байгаа болов уу

УИХ өнгөрсөн долоо хоногт 2020 оны төсөв болон нийгмийн даатгалын сангийн тухай хуулийг батлаад байгаа. Хуулиар ирэх жилээс буюу 2020 оны нэгдүгээр сарын 01-нээс нийгмийн даатгалын шимтгэлийг 2 хувиар нэмэгдүүлнэ.

Харин Ерөнхийлөгчийн Тамгын газрын дарга З.Энхболд өнөөдөр мэдээлэл хийхдээ нийгмийн даатгалын шимтгэлийн 2020 оны нэгдүгээр сарын нэгнээс нэмэгдэх 2 хувь дээр хориг тавихаар болсон гэсэн. 

Тэгвэл Сангийн сайд Ч.Хүрэлбаатар “Энэ нь үнэн хэрэг дээрээ ОУВС-ын хөтөлбөрт Ерөнхийлөгч хориг тавьж байна гэсэн үг. ОУВС-тай хамтарч хэрэгжүүлж байгаа ХӨТӨЛБӨР үр дүнгээ өгч байгаа, дампуураад зогсчихсон байсан эдийн засгаа, өндөр хүүтэй зээл, бондуудад дарлуулж байснаа эргэж нэг санаач гэж хэлье дээ” гэлээ.

Мөн тэрбээр “2017 онд батлагдчихсан хэрэгжээд хоёр жил 7 сар болчихсон хуулинд хориг тавьж болдоггүйгээ мэдэж байгаа болов уу. Тэгээд хоригоо цэцэд тайлбарлаж чадах болов уу” хэмээн твиттер хуудастаа бичжээ.

gereg.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ